Біздің университет «KazAID» Қазақстандық халықаралық даму агенттігімен бірлесіп, Орталық Азиядағы медициналық білім беру саласындағы аймақтық ынтымақтастықты нығайту үшін академиялық ұтқырлықты қолдауға бағытталған «Авиценна» бағдарламасын жүзеге асырды. Бұл жобаға қатысқан университеттердің бірі Тәжікстан мемлекеттік медицина университеті болды. Осы университеттен «Педиатриядағы радиология» циклін оқуға 10 студент келді. Цикл Академик Хамзабаев Ж.Х. атындағы радиология кафедрасында өтті. Студенттер циклді сәтті аяқтады, халықаралық ынтымақтастық орталығы мен педиатрия мектебінің деканаты транскрипттерді және естелік сыйлықтарды табыс етті.