Бүгін әлемнің 30-дан астам елі Халықаралық балаларды қорғау күнін тойлауда. Алғаш рет бүл күн 1950 жылы аталып өтілген еді.
1 маусым күні Астана медицина университетінде дәстүрге айналған қызметкерлердің балалары салған суреттердің көрмесі болды. Жас таланттардың шығармашылығына конкурстық комиссия баға берді.
«Менің бақытты балалық шағым» атты суреттер байқауында 1-орынды және 15000 теңгелік сертификатты 5 жасар Сейдахмет Айдай иеленді (анасы – Оразбекова Аягоз, ішкі аурулар кафедрасы). 2-орын мен 10000 теңгелік сертификатты Бердалинова Ясминге (11 жас) (анасы – Каманова Сауле, жалпы медицина деканатының аға әдіскері) және Есмагамбетова Райанға (12 жас) (анасы – Ахметова А.К., зертханалық медицина кафедрасы) берілді. 3-орын мен 5000 теңгелік сертификат 3 жасар Әли Сүйіндікұлына (анасы – Нурмустафанова Шолпан, жалпы медицина деканатының аға әдіскері) және Тойымбек Әмірге (10 жас) (анасы – Шонықбаева Салтанат, гистология және цитология кафедрасы), сонымен қатар 6 жасар Жамалбек Нұрғанымға (анасы – Г.Сағындықова, ішкі аурулар кафедрасы) табысталды.
Жас суретшілеріміз өз өнерлерін көрсетіп, ойын ойнап, ұйымдастырушыларға көтеріңкі көңіл-күй сыйлады.
Балаларға қуаныш сыйлаған осындай іс-шараны ұйымдастырушыларға: мұражайдың ғылыми-әдістемелік кеңесіне, кәсіподақ ұйымына және жастар ісі жөніндегі орталыққа, медицина мектебінің еріктілеріне алғыс білдіреміз.