Стоматология факультеті

Мақсаттары

Стоматологиялық бейіндегі білікті кадрлармен қамтамасыз ету.
  Құрылу тарихы
Стоматология курсы 1970 жылы құрылды. 14 жыл бойы стоматология курсын доцент В.С. Бондарь басқарды. 1984 жылы В.С. Бондарь докторлық диссертациясын сәтті аяқтақтап, 88 ғылыми жұмыс жарияланды, бірнеше ұтымды ұсыныстар енгізілді, 2 авторлық куәлік алынды.
          1981 жылдан бастап стоматология курсын доцент Т.У. Батыров басқарды, 40 ғылыми еңбегін жариялап, көптеген әдістемелік ұсыныстар дайындады. Алматы медициналық университетімен бірлесіп Қазақстанда шұғыл стоматологиялық көмекті жетілдіру бойынша ғылыми жұмыс жүргізілді.
2002 жылғы шілдеде (08.07.2002ж.) Қазақстан Республикасы Денсаулық сақтау министрлігінің №535 бұйрығына сәйкес Қазақ мемлекеттік медицина академиясында Стоматология факультеті ашылды. Бұл оқиға Қазақстанның жаңа Астанасында стоматологиялық білім беруді ұйымдастырудағы маңызды қадам болды.
Стоматология факультетінің бірінші кураторы 2002 жылы Алматы қаласынан келген медицина ғылымдарының кандидаты, доцент Доненбаева Шолпан Шакировна болды. Шолпан Шакировнаның С.Д. Асфендияров атындағы Қазақ Ұлттық медицина университетінің стоматологиялық факультетінде атқарған дәрігерлік қызмет, сондай ақ сабақ беру әдісі мен шетелде (Түркия) стоматолог-мамандарды даярлау әдісін зерттеуде үлкен тәжіребиесі болатын.
2003 жылы, ЖОО басшылығының шақыртуымен Қазақ мемлекеттік медицина академиясына Алматы қаласынан, ҚазақДБЖМИ-да (КазГИУВ) ұзақ уақыт ортопедиялық стоматология кафедрасын басқарған, белгілі стоматолог-ғалым, медицина ғылымдарының докторы, профессор Темірбаев Максут Абуович келді. Максут Абуович сол кездегі жалғыз біріккен стоматология кафедрасын ұйымдастырды да басқарды және стоматология кафедрасының тәлімгері болып тағайындалды. Факультет пен бірінші стоматология кафедрасының ұйымдастырылуына Профессор М.А Темірбаев пен бірге Алматыдан Астанаға кафедраның алғашқы оқытушылары -доценттер, медицина ғылымдарының кандидаттары Атабаев С.А., Суманова А.М., Уразаева А.Э. келді.
Сонымен қатар кафедра практикалық денсаулық сақтаудың тәжірибелі дәрігерлерімен толықты – ассистенттер Әлімжанов С.Ж., Әділбеков А.А., Килибаев С.И., Охас Г.О.
Кейінгі жылдары кафедра штатына Қарағанды мен Алматы медицина ЖОО жұмыс жасаған жаңа қызметкерлер м.ғ.к., доцент Еслямгалиева А.М., м.ғ.к., Уразалина Т.М., м.ғ.к., Сыздыкова А.Б., м.ғ.к., Раганин М.У., ассистенттер Жилкибаева Ж.Ж., Сеитова М.Б., Есимбеков А.С., Кожаков Б.Б. және т.б. қабылданды
Терапевтік және хирургиялық стоматология кафедрасы 2007 жылдың 1 наурызында ұйымдастырылды. Кафедра меңгерушісі ф.ғ.к. - Жұмаділова Анара Жақсыбайқызы.
2019 жылдың қыркүйегінен 2022 жылдың қыркүйегіне дейін стоматология факультетін м.ғ.к., доцент Айтбек Әнуарбекұлы Кәрібжанов басқарды.
Стоматология» білім беру бағдарламасы бойынша оқу үдерісін ның 31 кафедра жүзеге асырады, оның ішінде екі мамандандырылған кафедра: ортопедиялық және балалар стоматологиясы, терапевтік және хирургиялық стоматология.
 
   Қызмет
Студентер мен интерндер оқу корпустарында, университеттің клиникалық базаларында және басқа ЕПО (ЛПУ) оқиды. Оқыту барысында студенттердің өзіндік жұмысына көп көңіл бөлінеді. Студенттер құқықтары мен міндеттері, жатақханада тұру ережелер, қолданыстағы бұйрықтар мен нұсқаулықтармен танысады, ішкі тәртәп ережелерімен танысады. Тәрбие жұмысы шеңберінде өзін ұстау мәдениеті, жемқорлық пен құқық бұзушылықтың алдын алу жөнінде әңгімелер жүргізіледі. 1 курс студенттері университет қызметі туралы толық ақпарат пен негізгі ережелер, талаптар, шарттары толық көрсетілген жолсерік алады.
  Деканат жұмысы ҚР БҒМ және ДСМ бұйрықтары мен ережелеріне, факультет пен мектеп ережелеріне, деканаттың жұмыс жоспарында бекітілгендей, қызметтік және функционалдық нұсқаулыққа сай жұмыс істейді.
Бүгінгі күнде мектеп кафедралары оқу барысында инновациялық оқыту әдістерін, жаңа бақылау үлгілерін, алдын алу мен ауруды емдеудің заманауи әдістерін белсенді енгізуде, білім беру және клиникалық қызметтегі шетелдік серіктестермен халықаралық әріптестікті кеңейтуде, кафедралар студенттерді ғылыми-зерттеу жұмыстарына белсенді тартуда. Жыл сайын мемлекет ішінде және шетелдердегі студенттер мен ПОҚ- мен академиялық ұтқырлық географиясы кеңейтілуде.
Мектептің студенттері мен интерндері республикалық және халықаралық конференцияларға, түрлі іс-шараларға және академиялық ұтқырлық бағдарламаларына қатысады, волонтерлік қызметпен айналысады.
 
   Жетістіктері
«Стоматология» білім беру бағдарламасы 2022 жылы аккредитациядан өтті.
Кафедралардың қызметкерлері педагогикалық және медициналық біліктіліктерін белсенді түрде арттырады (100%); оқу және тағылымдамадан өту (Австрия, Ресей, Испания, Қазақстан және басқа елдер); қоғамдық және кәсіби бірлестіктердің мүшелері болып табылады (Еуро-Азия жұқпалы аурулар қоғамы, Халықаралық бас және мойын қауымдастығы, Қазақстан дерматовенерологтар қауымдастығы, «Көбелек балалар» қайырымдылық қоры, Қазақстан эстетикалық медицина және пластикалық хирургия қауымдастығы, Қазақстан стоматологиялық қауымдастығы) республикалық және халықаралық деңгейдегі конференцияларға қатысу; көптеген жарияланымдар мен рефераттардың (Web of Science немесе Scopus, республикалық журналдар мен басқа елдердің басылымдары) авторлары болып табылады.
Кафедралардың профессорлық-оқытушылық құрамы медициналық ұйымдарға/денсаулық сақтау субъектілеріне консультативтік-тәжірибелік көмек көрсетеді (өңірлерге бару, сараптамалық жұмыстар, консультациялар, консультациялар, операциялар, оқыту, диагностика мен емдеудің инновациялық әдістерін әзірлеу және енгізу, бірлескен жобалар, клиникалық хаттамаларды әзірлеу). , т.б.).
«Атамекен» ҚР ҰКП өткізетін білім беру бағдарламалары рейтингінде «Астана медицина университеті» КеАҚ В087 – Стоматология білім беру бағдарламасы 2021 жылдың қорытындысы бойынша бірінші орынды иеленді.

     Байланыс
Астана қаласы 
Бейбітшілік көшесі,49а 
53 корпус
4-қабат, 401, 402 каб.
тел.:8(7172)56-98-28
e-mail: detochkina.v@amu.kz