Мейіргер ісі факультеті

Мейіргер ісі факультеті

Кадрлық құрам
Ведомстволық бағынысты бөлімшелер

Мақсаты

Орта медициналық персонал мамандарын даярлаудың жоғары кәсіби деңгейін қамтамасыз ету, бірыңғай білім беру кеңістігі және еңбек нарығының серпінді өзгеретін қажеттіліктері жағдайында тұлғаның азаматтық адамгершілік қасиеттерін қалыптастыру.

Құрылу тарихы

Мейіргер ісі факультеті «Астана медицина университеті» КеАҚ Директорлар кеңесінің 2019 жылғы 24 шілдедегі (Директорлар кеңесінің №7 отырысы) шешімімен  құрылды.

Қызметі

* мейіргерлік білім беруді реформалау;

* ғылыми тәсілдер негізінде өз біліктілігі шеңберінде реабилитология саласындағы мәселелерді шешу;

* практикалық қызметті реформалау;

* халықаралық ынтымақтастықты дамыту;

* ғылыми зерттеулер жүргізу;

* өзін-өзі басқару және мейіргер кәсібін шоғырландыру

* клиникалық базалардың жұмысын ұйымдастыру;

* аурулардың алдын алу бойынша денсаулық сақтау ұйымдарымен бірлесіп  жұмыс істеуді ұйымдастыру.

Жетістіктері

Мейіргер ісі факультеті 3 білім беру бағдарламасы: «Мейіргер ісі», «Кинезитерапия», «Эрготерапия» бойынша білім береді. Оқыту мерзімдері: 4 жыл; 2 жыл 6 ай; 10 ай. Мейіргер ісі факультетінің барлық мамандықтары 5 жылдық мерзімге тәуелсіз аккредиттеуден өтті.

Мейіргер ісі факультеті Erasmus+ бағдарламасы бойынша Қазақстанның жоғары білім беру жүйесіндегі мейіргер ғылымы мен зерттеулерді реформалауға бағытталған «AccelEd – Қазақстанның жоғары білім беру жүйесінде магистратура және PhD докторантура деңгейінде мейіргер ісін жетілдіру» халықаралық жобасын іске асыруға қатысуда.

Екінші және үшінші курс студенттерінің Қазақстан Республикасының әскери оқытылған резервін қалыптастыру, сондай-ақ  Қазақстан Республикасы Қарулы Күштерінің, басқа әскерлері мен әскери  құралымдарының сержанттар құрамының лауазымдарын қосымша жасақтау мақсатында запастағы сержанттар бағдарламасы бойынша әскери кафедрада оқу мүмкіндігі бар. Запастағы сержанттар бағдарламасы бойынша әскери даярлыққа бір оқу жылы ішінде 294 академиялық сағат беріледі.

Факультет студенттерінің студенттік өмірлері белсенді түрде өтеді және волонтерлік көмекпен белсенді түрде айналысады. Факультет студенттері «Amara Investment Hospis» хосписіне үнемі барып тұрады. Еріктілер осы хосписке барған кезде үйдегідей атмосфера жасауға, мейіргерлерге пациенттерге күтім жасауға көмектеседі. Еріктілер серуендер ұйымдастырады, хоспистегі пациенттермен сөйлеседі, олардың гигиеналық процедураларын орындауға көмектеседі, пациенттердің өтініштері мен тапсырмаларын орындайды.

Байланыс телефондары

Тел.

Тізімге оралу
© 2022, Астана медицина университеті
Астана қаласы, Бейбітшілік көшесі 49а
тел.: +7 (7172) 53 94 47; +7 700 153 94 47