Халықаралық нашақорлыққа қарсы күрес күніне орай университетіміздің Жастар ісі және спорт орталығы Нұр-Сұлтан қаласының Жастар саясаты мәселелері басқармасымен және ҚР ІІМ Есірткі қылмысына қарсы іс-қимыл жөніндегі полиция департаментімен бірлесіп "Елордалық жастар есірткіге қарсы!» атты акция өткізді.

АстМУ-дың Психиатрия және наркология кафедрасының қызметкерлері Кахарова Ділдора, Кударова Камила, Галиакбарова Зубайда, Луговская Валерия, Қойшыбеков Тоқтар аталған акция барысында есірткіге қарсы шараларға белсене атсалысқаны үшін Полиция департаментінің алғыс хатымен марапатталды.

Акцияға атақты спортшылар, шығармашылық ұжымдар мен эстрада жұлдыздары қатысты. Олар жастарды есірткі қылмысына қарсы күресте бірігуге шақырды.