RU 
EN 
QZ 
Миссия
Қазіргі заманғы білім беру практикалық оқу бағдарламалары негізінде халықаралық деңгейдегі стоматолог-дәрігерлерді даярлау және кәсіби дамыту.Мақсаты
МЖМБС талаптарына сәйкес «Стоматология» ББ бойынша жоғары білікті мамандарды даярлау үшін заманауи клиникалық стоматологиялық орталықты ұйымдастыру жолымен тиімді жағдайларды қамтамасыз ету.
Тарихы
Стоматология курсы 1970 жылы құрылды. 14 жыл бойы стоматология курсын доцент В.С. Бондарь басқарды.2002 жылғы шілдеде (08.07.2002ж.) Қазақстан Республикасы Денсаулық сақтау министрлігінің № 535 бұйрығына сәйкес Қазақ мемлекеттік медицина академиясында Стоматология факультеті ашылды. Бұл оқиға Қазақстанның жаңа Астанасында стоматологиялық білім беруді ұйымдастырудағы маңызды қадам болды.
2003 жылы ЖОО басшылығының шақыруымен Алматы қаласынан көрнекті стоматолог-ғалым, медицина ғылымдарының докторы, профессор Мақсұт Әбуұлы Темірбаев келді. Факультет пен алғашқы стоматологиялық кафедраны ұйымдастыру ісіне м.ғ. к., факультет ашылғанға дейін 20 жылдан астам уақыт Қазақ мемлекеттік медицина академиясында жұмыс істеген доцент Т. У. Батыров үлкен үлес қосты.
Терапевтік және хирургиялық стоматология кафедрасы 2007 жылдың 1 наурызында ұйымдастырылды. Кафедра меңгерушісі ф.ғ.к. - Жұмаділова Анара Жақсыбайқызы.
2022 жылдан бастап стоматология факультеті доцент В. Р. Деточкина басқаратын Стоматология мектебі болып қайта құрылды.
«Стоматология» білім беру бағдарламасы бойынша оқу процесін «АМУ» КеАҚ 33 кафедрасы жүзеге асырады, оның ішінде екі бейінді кафедра: ортопедиялық және балалар стоматологиясы, терапевтік және хирургиялық стоматология.
ҮИМБ
ҚР ДСМ 2022 жылғы 4 шілдедегі № ҚР ДСМ-63 «Денсаулық сақтау саласындағы білім беру деңгейлері бойынша мемлекеттік жалпыға міндетті стандарттарды бекіту туралы» бұйрығына сәйкес жалпы білім беретін, базалық және бейіндеуші пәндерді зерделеуді, эксперименттік-зерттеу жұмыстарын көздейтін үздіксіз интеграцияланған медициналық білім беру іске асырылуда.Үздіксіз интеграцияланған медициналық білім беру бағдарламасы бойынша оқуды аяқтаған және қорытынды аттестаттаудан сәтті өткен түлектерге «медицина магистрі» дәрежесі беріледі, қосымшасы бар диплом және «дәрігер» біліктілігімен интернатураны бітіргені туралы куәлік беріледі.
Оқуды аяқтағаннан кейін түлек келесі құзыреттерге қол жеткізуі керек: медициналық білім, коммуникация, клиникалық дағдылар, кәсібилік, жеке және кәсіби даму, нормативтік-құқықтық білім, зерттеулер.
Байланыс
Астана қ., Бейбитшилик көшесі, 49а, 309 каб.
тел.:8(7172)56-98-28
e-mail: detochkina.v@amu.kz
