Патологиялық анатомия кафедрасы

Патологиялық анатомия кафедрасы

Басшылық
Манекенова Кенжекыз Боранбайқызы
Кафедра меңгерушісі

м.ғ.д., профессор, Манекенова Кенжеқыз Боранбайқызы 1957 жылы Алматы облысының Еңбекші-Қазақ ауданының Қара-Кемер ауылында дүниеге келген. 1974 жылы орта мектепті тәмәмдаған. 1978 жылдың наурыз айынан, 1983 жылдың шілдесіне дейін ЦММИ патологиялық анатомия кафедрасында лаборант қызметін атқарған. 1989 жылы Целиноград мемлекеттік медицина институтының «Емдеу» факультетін бітірген. Институтты бітіргеннен кейін Целиноград облыстық патологиялық-анатомиялық бюросында дәрігер-патологоанатом қызметін атқарған, ал 1991 жылдан бастап ЦММИ патологиялық анатомия кафедрасында ұстаздық қызметті атқаруға кірісті. 1994 жылы «Этиологиясы әртүрлі менингоэнцефалиттер кезіндегі жүйке жүйесінің салыстырмалы иммунопатологиясы» тақырыбында кандидаттық диссертацияны, ал 1999 жылы ««Суми-альфа» пиретроидтік интоксикацияның патологиялық анатомиясы, және патогенезі мен морфогенезінің мәселелері» атты докторлық диссертацияны қорғады. 2002-2004 жылдар аралығында Қазақстан Республикасы Денсаулық сақтау министрлігі МҒБД (медициналық ғылым және білім беру департаментінің) жоғары медициналық білім беру бөлімін басқарған. 2004-2005 ж ҚазММА-ның педиатрия факультеті мен шығыс медицинасы факультетінің деканы болып қызмет атқарды. 2005 жылдың қыркүйек айынан қазіргі уақытқа дейін «Астана медицина университеті» КеАҚ патологиялық анатомия кафедрасының меңгеруші лауызымында жұмыс жасайды. 2006 жылы Қазақстан Республикасы Білім және ғылым министрлігі «Медицина профессоры» ғылыми атағын берді.

Университетте жұмыс істеген жылдары Кенжеқыз Боранбайқызы бірнеше рет Қазақстан Республикасы Білім және ғылым министрлігінің және Қазақстан Республикасы Денсаулық сақтау министрлігінің Құрмет грамоталарымен марапатталған.

2006 жылы «Қазақстан Республикасының Денсаулық сақтау ісінің үздігі» төс белгісімен, 2014 жылы «Денсаулық сақтау ісіне қосқан үлесі үшін» төсбелгісімен марапатталған; бірнеше рет Үздік Лектор ретінде марапатталған. Кенжеқыз Боранбайқызының жетекшілігімен 11 кандидаттық және 1 докторлық диссертация қорғалды; ал 2014 жылдан бастап PhD докторы ғылыми дәрежесін алу үшін 1 диссертация және 4 магистрлік диссертация қорғалды. Кенжеқыз Боранбайқызы өзінің ғылыми-педагогикалық және клиникалық қызметі барысында медицина саласындағы 4 рационализаторлық ұсыныстың, 6 өнертабыстың, 200-ден астам ғылыми жұмыстардың авторы болды.

Манекенова К.Б. өзінің ғылыми-педагогикалық және патологоанатом ретіндегі клиникалық жұмысын ұштастырып атқарады, жоғары медициналық біліктілік санаты бар. 2008 жылдан бастап Қазақстан Республикасы Денсаулық сақтау министрлігінің штаттан тыс «Бас патологоанатом» қызметін атқаруда.

Кадрлық құрам

Мақсаттары:

- клиникасы мен дифференциалды диагностикасын тереңірек зерттеу үшін және алған білімдерін жалпы тәжірибелі дәрігерлік практикада пайдалану үшін аурулардың құрылымдық негізін, этиологиясын, патогенезін және морфогенезін зерттеу арқылы жоғары медициналық білім беру жүйесінде патологиялық анатомияны оқыту.

- дәрігер-патологоанатомдарды, резиденттерді оқыту үдерісінде және ғылыми кадрларды даярлауда патологиялық анатомия саласындағы білімді тарату және қолдану.

Құрылу тарихы:

«Астана медицина университеті» КеАҚ патологиялық анатомия кафедрасы Целиноград мемлекеттік медицина институтының құрамында 1965 жылдың тамыз айында ұйымдастырылды.

Құрылған күннен бастап патологиялық анатомия кафедрасының ұжымы м.ғ.к. доцент Борис Моисеевич Шапироның жетекшігімен кафедра базасында орталықтандырылған біріккен прозектура құру арқылы Целиноград қаласы мен Целиноград облысының патологоанатомдарының қызметін ұйымдастыру мәселесімен айналысты. Сонымен қатар, клиникалық кафедраларымен және практикалық денсаулық сақтау өкілдерімен бірлесіп ғылыми зерттеулер жүргізілді.

Әр жылдары патологиялық анатомия кафедрасын басқарғандар: м.ғ.к., доцент Шапиро Борис Моисеевич; м.ғ.к., доцент Браун Александр Варфаломеевич; м.ғ.д., профессор Корницкий Михаил Ассирович; м.ғ.к., доцент Рамазанов Әлібек Меңдібайұлы; м.ғ.д., профессор Қадырова Сәуле Нұрғалиқызы. 2005 жылдан бастап кафедраны медицина ғылымдарының докторы, профессор Манекенова Кенжеқыз Боранбайқызы басқарады.

Қызмет:

Кафедраның негізгі қызметі: оқу, оқу-әдістемелік, клиникалық және ғылыми-зерттеу жұмыстары.

Жетістіктері:

Ғылыми дәрежелілігі - 38,5 %

Медицина ғылымдарының докторы

   1   

Медицина ғылымдарының кандидаты

   4   

Медицина магистрі

   3   

Профессор

   1   

Ассоц. профессор (доцент)

   1   


Кафедраның барлық қызметкерлерінде «Патологиялық анатомия» мамандығы бойынша клиникалық жұмысқа рұқсат беретін сертификаты бар. Жоғары білікті медициналық санаты бар қызметкерлер 64% құрайды, 1 қызметкерде бірінші біліктілік медициналық санаты бар.

Бөлім қызметкерлері диагностикалық жұмыстармен қатар ана мен бала өлімінің себептерін бақылауға, өлімге әкелетін жағдайлардың комиссиялық сараптамасына қатыса отырып, сараптамалық іс-шараларды жүзеге асырады.

Студенттерді оқыту барысында бейнематериалдарды демонстрациялау үшін және студенттердің 3D оқыту бағдарламаларымен жұмыс атқаруына арналған компьютерлік аудиториялар қалыптастырылған:

Жалпы және жеке патологиялық анатомияның барлық тақырыптары бойынша оқу бейнероликтер түріндегі өз әзірлемелерін пайдалана отырып, оқу үдерісіне мультимедиялық оқыту технологиялары енгізілді.

Патологиялық анатомия курсының жекелеген тақырыптары бойынша «Интерактивті тақта» әдістемесі, ішкі ағзалар патологиясының макроскопиялық және микроскопиялық белгілерін сипаттайтын бейнеалгоритмі енгізілді.

Кафедра Астана қаласы мен Қазақстан Республикасының облыстарындағы практикалық дәрігер-патологоанатомдарға, Республикалық сот-медициналық сараптама орталығына кеңінен диагностикалық және консультациялық көмек көрсетеді.

Қазақстан Республикасының патологоанатомиялық қызметінің жұмысын ұйымдастыру үшін бірқатар стандарттар мен нормативтік құқықтық актілер әзірленді.

Ассистент Шайкенова М.С. Австрияның Зальцбург қаласындағы «Open Medical Institute» (OMI), Кливленд клиникасы және Вена медициналық университеті бірлесе ұйымдастырған «Патология» бойынша мамандандырылған семинарға ға қатысып, баяндама жасады. (20.11.22 - 26.11.22).

Соңғы 5 жылда 6М110100 – Медицина мамандығы бойынша магистр академиялық дәрежесін алу үшін 4 диссертация, 6М110100 – Медицина мамандығы бойынша PhD докторы ғылыми дәрежесін алу үшін 1 диссертация (балалар хирургиясы кафедрасымен бірге) қорғалды.

Кафедрада патогистологиялық зертханасының жұмысы ұйымдастырылған, онда клиникалық, ғылыми-клиникалық және эксперименттік материалға патогистологиялық өңдеу жүргізіліп, кейіннен микроскопия, морфометрия және ғылыми материалды мұрағаттау жүргізіледі.

Ғылыми мақалалар импакт-факторы 1,0-ден жоғары рецензияланатын халықаралық журналдарда жыл сайын жарияланады.

Кафедрада патогистологиялық зертханасының жұмысы ұйымдастырылған, онда клиникалық, ғылыми-клиникалық және эксперименттік материалға патогистологиялық өңдеу жүргізіліп, кейіннен микроскопия, морфометрия және ғылыми материалды мұрағаттау жүргізіледі

2022 жылы кафедра қызметкерлері марапатталды:

Кафедра меңгерушісі Манекенова Қ.Б., алғыс хаттарымен: Астана қ. Тәуелсіз сарапшылар қауымдастығының; Нұр-Сұлтан қаласы Қоғамдық денсаулық сақтау басқармасының; Қазақстан Республикасы Әділет министрлігі Сот сараптамалары институтының Астана қаласы бойынша филиалынан;

Кафедра профессоры Оспанова Қ.Е. - Қазақстан Республикасы Әділет министрлігі Сот сараптамасы институтының 2022 жылғы үздік сарапшысы атағын алды.

Кафедраның доценттері Дукенбаева Б.А. және Смаилова Г.К. - Қазақстан Республикасы Денсаулық сақтау министрлігінің Құрмет грамоталарымен марапатталды.

Кафедра ассистенті Нургалиева А.Е., «Бөбек» жалпыұлттық қозғалысынан: «Тәуелсіз Мемлекеттер Достастығына қатысушы мемлекеттердің VI халықаралық кітап басылымы: Үздік жас ғалымдар – 2022» жобасының қатысушысы ретінде «Үздік жас ғалым» медалімен марапатталып, 2-дәрежелі дипломмен марапатталды.

Кафедраның бірқатар қызметкерлері «Аманат» партиясының және МҰА кәсіподақ ұйымының Құрмет грамоталарымен және алғыс хаттарымен марапатталды: Омаров Т.М., Смаилова Г.К., Попова М.Р., Иманмадиева И.М.

Байланыс: 8 717 2 44 41 57;

e-mail: manekenova.k@amu.kz

Фотогалерея
Тізімге оралу
© 2022, Астана медицина университеті
Астана қаласы, Бейбітшілік көшесі 49а
тел.: +7 (7172) 53 94 47; +7 700 153 94 47
Яндекс.Метрика