Астана медицина университетіне қатерлі ісіктің алдын алу қорының негізін қалаушы және атқарушы директоры, онкологтардың жоғары мектебін құрушы, белгілі ресейлік және израильдік онколог-хирург Илья Фоминцев Қазақстанның медициналық университеттерінің білім алушыларын жоғары кәсіби клиникалық даярлау бағдарламаларын жақсарту мақсатында ынтымақтастық ұсынысымен келді.
Оның сапары аясында И. Фоминцев «Астана медицина университеті» КеАҚ білім алушыларымен «Қалай суперпрофессионал болуға болады» тақырыбында креативті форматта дәріс өткізді, оның барысында студенттік аудиторияның көтерілген кәсіби проблемаларға деген қызығушылығы мен оларды шешу жолдарын өз бетінше ізденуіне түрткі болды.