Астана медицина университеті ЖОО-ның басшылығы  емтиханды қайта тапсыру барысында болған оқиғаға қатысты әлеуметтік желілерде жарияланған ақпаратты тексеру үшін арнайы комиссия құрғанын хабарлайды.
 Осы факті бойынша қызметтік тергеу дереу басталды, оқытушы жағдай анықталғанға дейін студенттерге сабақ жүргізуден шеттетілді.
Осы оқиғаға қатысты шешім Қазақстан Республикасының құқық қорғау және/немесе сот органдарының процессуалдық шешімінің қорытындысы бойынша қабылданатын болады.
Астана медицина университеті шешім қабылдауда ашықтық пен негізділікті, Академиялық адалдық, Корпоративтік мәдениет және әдеп кодексі қағидаттарын ұстануды қамтамасыз етеді.

Баспасөз қызметі