Академик Е.Д. Даленов атындағы профилактикалық медицина ғылыми-зерттеу институтының аясында жас ғалымдардың жобалары жүзеге асырылуда. Институттың білім алушылары қоғамдық денсаулық сақтау саласындағы маңызды сұрақтарға жауап беруге бағытталған өзекті зерттеулерді іске асыруда.

Зерттеу аясында жасөспірімдер жүктілігіне медициналық-әлеуметтік көмек көрсетуді жетілдіруге бағытталған тәсілдер әзірлеу жоспарланған.
Екінші жоба жүкті әйелдерде D витаминінің жетіспеушілігі немесе тапшылығын ерте анықтауға бағытталған медициналық-ұйымдастырушылық іс-шараларды әзірлеу мен ғылыми негіздеуді қамтиды.

Сондай-ақ, институт тарапынан университетте бейімделген дене шынықтыру мен спортты енгізу бойынша зерттеулер және «Астана медициналық университеті» КЕАҚ қызметкерлерінің денсаулық жағдайына кәсіби қауіп-қатер факторларының әсерін кешенді бағалау жоспарланған.