«Фармация» білім беру бағдарламасының 4-курс білім алушылары — Шаихов Мәдиар Қабышұлы және Алиева Назым Саматқызы — біздің университет атынан Усть-Каменогорск қаласында өткен IT Innovation Fest 2024 фестивалінде лайықты өнер көрсетті.

Олардың GTrack жобасы инновациялық технологияларды қолдану арқылы әзірленіп, Idea Battle байқауында ұсынылды. Команда креативтілік пен жаңашыл ойлау қабілеттерін жоғары деңгейде көрсетті. Фестиваль қорытындысы бойынша, қатысушылар белсенділік үшін дипломмен марапатталып, олардың еңбегі мен әлеуеті лайықты бағасын алды.

IT Innovation Fest сияқты беделді іс-шараға қатысу — таланттарды көрсетудің ғана емес, басқа қатысушылармен тәжірибе алмасудың, жаңа білім алудың және болашақ жетістіктерге шабыттанудың үлкен мүмкіндігі.

Біз сіздермен мақтанамыз, Мәдиар мен Назым! Бұл жетістік сіздердің инновациялар мен технологиялар саласындағы үлкен жолдарыңыздың бастауы болсын!