«Фармация» білім беру бағдарламасының «Медициналық университет Астана» студенттері — Қайдарова Аружан Рамазанқызы, Жусупова Лаура Сейілханқызы, Қанатбек Дана Дінмұхаммедқызы, Сабит Ардақ Мұхтарқызы, Қадралинова Зарина Дәулетовна — «Дәрілік препарат: идеядан пациентке дейін» халықаралық олимпиадасында 2 дәрежелі дипломмен марапатталды. Олимпиада 2024 жылғы 22 қарашада онлайн форматта өтті.

Олимпиаданы Ресей Денсаулық сақтау министрлігінің Башқұрт мемлекеттік медициналық университеті ұйымдастырды.

Студенттер фармацевтика және фармакология саласында жоғары білім деңгейін көрсетті, барлық тапсырмаларды табысты орындап, марапатқа ие болды. Команданың жетекшісі — «Медициналық университет Астана» фармацевтикалық пәндер кафедрасының аға оқытушысы Ақпаева Карлыгаш Манаповна, ол студенттерді олимпиадаға даярлау кезінде маңызды қолдау көрсетті.

Студенттеріміз бен олардың жетекшісін бұл жетістікпен құттықтап, ғылыми және кәсіби қызметтерінде жаңа табыстар мен жетістіктер тілейміз!