2024 жылғы 29 қарашада Астана қаласы әкімдігінің «Қайым Мұхамедханов» атындағы «№90 гимназия» шаруашылық жүргізу құқығындағы мемлекеттік коммуналдық кәсіпорны 9-11 сынып оқушылары мен мектеп бітірушілері үшін жоғары оқу орындарының қатысуымен «Болашаққа қадам жаса!Кәсіптік бағдар күні» атты кәсіби бағдар беру көрмесін өткізді. Бұл шара оқушылар мен мектеп бітірушілерге болашақ мамандықтарын, оқу орындарын таңдау бойынша бағыт-бағдар беруді мақсат етті.

Көрмеге «Астана медицина университетінің» өкілдері қатысып, университет тарихы мен білім беру бағдарламалары жайында ақпаратпен бөлісті. Қабылдау комиссиясының өкілі А. Тұрдығали, А.Б. Аубакирова атындағы Адам анатомиясы кафедрасының доценті Габдуллина Гульнара Сайлауовна, Академик Ж.Х.Хамзабаев атындағы Радиология институтының ассистенті Е.Армиянов университет туралы сұрақтарға жауап берді.

Көрмеде университет өмірі туралы ақпараттар баннерлер мен буклеттер арқылы ұсынылып, А.Б. Аубакирова атындағы Адам анатомиясы кафедрасы адам ішкі ағзаларының бөлшектерін таныстырды. Мектеп оқушылары медицина, стоматология және фармацевтика мамандықтары бойынша білім алу мүмкіндіктеріне қызығушылық танытты.

Көрмеге белсенді қатысқан білім беру ұйымдарына алғыс білдіріліп, арнайы анықтамалар табысталды.