2024 жылдың 9 қазаны мен 10 желтоқсан аралығында «Астана медицина университетінде» Астана қаласының мектептері үшін,кәсіптік бағдар беру экскурсиялары өтті.Бұл жоба мектеп оқушылары мен студенттерді медициналық білім және дәрігер мамандығымен таныстыру жобасы аясында ұйымдастырылды.Іс-шара Астана қаласындағы «Қалалық туризмді дамыту орталығы» және «Астана медицина университетінің» қабылдау комиссиясымен бірлесіп жүзеге асырылды.

Жоба аясында 14 экскурсия өткізілді,оған Астана қаласының 625 мектеп оқушылары мен студенттері қатысты.

Іс- шараның мақсаты студенттер мен түлектерге болашақ мамандық пен оқу орнын таңдауда көмек көрсету болды.Экскурсияға қатысушылар болашақ дәрігер болу үшін тәжірибелік сабақтар өткізілетін симуляциялық орталыққа және тарихи мұражайға барудың бірегей мүмкіндігіне ие болды.

Бұл жоба мектеп оқушылары мен студенттерге мамандық таңдауға көмектесуге,оларды бірегей білім беру ортасымен және медицина саласындағы мансаптық перспективалармен таныстыруға бағытталған.