UI GreenMetric World University Ranking – университеттердің тұрақтылығын бағалайтын жыл сайынғы халықаралық рейтинг. Университеттерге олардың экологиялық ізін азайтуға бағытталған күш-жігерін, сондай-ақ тұрақты даму саласындағы білім беру мен зерттеу қызметін көрсететін балдар беріледі.

Астана медицина университеті Қазақстанның медициналық университеттері арасында 95 елден 1000 үздік жоғары оқу орындарының қатарына енген алғашқы университет болды.

Университет келесі критерийлер бойынша жоғары бағаларға ие болды:

• "Энергия тиімділігі және энергияны тұтынуды азайту үшін технологияны қолдану"

• "Экология саласындағы білім беру және ғылыми бастамалар"

«Бұл жетістік университет үшін экологиялық жауапкершілігін арттыруға, білім беру ортасын жетілдіруге және студенттер мен оқытушылар үшін қолайлы жағдайлар жасауға жаңа мүмкіндіктер ашады. Алдағы уақытта Астана медицина университеті экологиялық тұрғыдан орнықты шешімдерді енгізу жұмыстарын жалғастыра отырып, рейтингтегі өз позициясын жақсартып, келешек ұрпақ үшін жасыл әрі қауіпсіз білім беру ортасын қалыптастыруға үлес қосуды мақсат етеді», – деп атап өтті Басқарма Төрағасының – Ректордің міндетін атқарушысы Виталий Койков.