2024 жылғы 30 қараша мен 7 желтоқсан аралығында академиялық ұтқырлық бағдарламасы аясында биостатистика, биоинформатика және ақпараттық технологиялар кафедрасының оқытушысы Каипова Асемгүл Шабиденқызы «Семей медицина университеті» КЕАҚ-на іссапармен барып қайтты. Сапардың мақсаты – «Биостатистика» пәні бойынша практикалық сабақтар өткізу, сондай-ақ әріптестер мен студенттермен тәжірибе алмасу.
Асемгүл Шабиденқызы кафедраның профессорлық-оқытушылық құрамы өткізген сабақтарға қатысты және «Медицина», «Педиатрия» мамандықтарының 2-курс студенттеріне «Биостатистика» пәні бойынша практикалық сабақтар өткізді.
Бұл сапар білім беру саласындағы практикаларды дамыту мен тәжірибе алмасу арқылы университетаралық ынтымақтастықты нығайту жолында тағы бір маңызды қадам болды. Асемгүл Шабиденқызы оқу процесімен танысып, кәсіби біліктілігін дамытуға қажетті құнды тәжірибе алды.
«Эпидемиология және биостатистика» кафедрасының оқытушылары мен меңгерушісі Байбусинова А. Ж.-ға университетаралық ынтымақтастықты нығайтқаны үшін алғысымызды білдіреміз.
