24 ж. 24 желтоқсан                                                 

Астана қ., Бейбітшілік к-сі, 49А

Басталуы: 9: 00 сағат

"Астана медицина университеті" КеАҚ базасында қазақстандық жас Денсаулық сақтау көшбасшыларының қауымдастығы "Денсаулық сақтауды трансформациялау: ертеңгі күннің құзыреттері" республикалық форумын өткізеді. Іс-шара перспективалар мен сын-қатерлерді талқылауға, тәжірибе алмасуға және өзекті міндеттерді шешуге инновациялық тәсілдерді әзірлеуге арналған платформа болады.

Форум аясында медицинада жасанды интеллект (AI) және Big Data қолдану, медициналық білім беру мен кәсіби дамудың трендтері, технологиялық шешімдердің мүмкіндіктері, медициналық мекемелерді басқаруды оңтайландыру, сондай-ақ денсаулық сақтау саласындағы халықаралық ынтымақтастық секілді негізгі тақырыптарға арналған панельдік сессиялар өткізіледі.

Қатысушылардың назары тек ғылыми және технологиялық аспектілерге ғана емес, сонымен қатар саладағы тұрақты прогресті қамтамасыз ету үшін мемлекеттік органдар, медициналық мекемелер және жеке сектор арасындағы тиімді өзара іс-қимылдың маңыздылығына аударылады. Форум аясында жетекші сарапшылардан шеберлік сыныптары мен стартап-жобалар көрмесі ұйымдастырылады, оған қатысушылар заманауи әзірлемелер мен бизнес-идеяларды көрсетеді.

Форум кәсіби өсудің қайнар көзі, өз бастамалары мен жобаларын іске асыруға арналған платформа болады. Бұл білім қатысушыларға денсаулық сақтау сапасын жақсартуға көмектеседі. Алдағы уақытта қауымдастық белсенді ынтымақтастықты жалғастыруға және Қазақстанда денсаулық сақтауды одан әрі трансформациялау үшін ұсынылған идеяларды енгізу бойынша бірлесіп жұмыс істеуге шақырады.