2026 жылғы 27 қазанда Мейіргер ісі кафедрасының «7М10101 – Мейіргер ісі» білім беру бағдарламасының магистранты Шалиевская Ульяна Сергеевна Алматы қаласында өткен «SOVMIN FORUM 2026» IV Республикалық жас ғалымдар конференциясына қатысты.
Ғылыми жетекшісі – медицина ғылымдарының кандидаты, Мейіргер ісі кафедрасының доценті Байгожина Зауре Алпановна.
Іс-шараны Қазақстан Республикасы Президенті Іс басқармасы Медициналық орталығының Ұлттық госпиталі Қазақстан Республикасы Президентінің жанындағы Қазақстан Республикасының Ұлттық ғылым академиясымен бірлесіп ұйымдастырды.
Форумның негізгі мақсаты – жас зерттеушілер мен ғалымдарды тәжірибе алмасу, ғылыми зерттеу нәтижелерін таныстыру және денсаулық сақтау саласындағы инновациялық идеяларды талқылау үшін бірыңғай ғылыми алаңға біріктіру. Іс-шара жастардың ғылыми әлеуетін дамытуға, жаңа буынның кәсіби қауымдастығын қалыптастыруға, инновацияларды енгізуге, сондай-ақ Қазақстандағы медицина ғылымы мен тәжірибесін жетілдіруге бағытталған.
Форум аясында Ульяна Сергеевна «Мейіргер ісі бойынша академиялық және қолданбалы бакалавриат білім алушыларының жасанды интеллектіні қабылдауын салыстырмалы бағалау» тақырыбында ауызша баяндама жасады. Өз баяндамасында ол мейіргер ісі білім алушыларының жасанды интеллектіні қабылдау ерекшеліктерін зерттеуге арналған ғылыми жұмысының нәтижелерін таныстырып, болашақ мейіргер ісі мамандарын даярлаудың білім беру үдерісіне заманауи цифрлық технологияларды интеграциялаудың өзекті мәселелерін баяндады.
Қазылар алқасының ғылыми жұмыстарды бағалау нәтижесі бойынша Шалиевская Ульяна Сергеевна «SOVMIN FORUM 2026» IV Республикалық жас ғалымдар конференциясының үздік бес қатысушысының қатарына енді. Бұл жетістік оның ғылыми-зерттеу қызметінің маңызды нәтижесі және жүргізілген зерттеудің өзектілігін айқындайтын көрсеткіш болды.
Бүгінде SOVMIN FORUM – мекеменің бай тарихи мұрасы мен болашаққа деген ұмтылысын ұштастыратын ғылыми алаң. Форум жас ғалымдарға өз зерттеулерінің нәтижелерін таныстыруға, кәсіби тәжірибе алмасуға, ғылыми байланыстар орнатуға және отандық ғылымның дамуына үлес қосуға мүмкіндік береді.
Аталған іс-шараға қатысып, форумның үздік бес қатысушысының қатарына ену магистранттың кәсіби және ғылыми тұрғыдан одан әрі дамуына ықпал етеді, сондай-ақ мейіргерлік білім беруде жасанды интеллектіні қолдану саласындағы зерттеулердің маңыздылығын көрсетеді.
Мейіргер ісі мектебін, Мейіргер ісі кафедрасын, Шалиевская Ульяна Сергеевнаны және оның ғылыми жетекшісі Байгожина Зауре Алпановнаны осы маңызды жетістіктерімен құттықтаймыз!
Алдағы уақытта толағай табыс, жаңа ғылыми жеңістер, кәсіби өсу және перспективалы зерттеу жобаларының сәтті жүзеге асырылуын тілейміз! Бұл марапат жаңа жаңалықтарға жол ашып, ғылыми әлеуетті дамытуға және Қазақстанның заманауи медицина ғылымындағы мейіргер ісінің орнын нығайтуға серпін берсін!
