Төрегелді Шарманов атындағы Ұлттық медицина университеті мен Тэгу медициналық колледжі (Корея Республикасы) ынтымақтастық және «Кинезитерапия» мен «Эрготерапия» бағыттары бойынша бірлескен магистратура бағдарламасын іске асыру туралы меморандумға қол қойды.

Меморандумға Корея делегациясының Sharmanov University-ге сапары барысында қол қойылды. Рәсімге университеттің Басқарма төрағасы – ректоры Анар Турмухамбетова және Тэгу медициналық колледжінің атқарушы вице-президенті Ким Ёнджун қатысты.

Тараптар білім беру және ғылым салаларындағы ынтымақтастықты, сондай-ақ академиялық ұтқырлықты дамытуды көздейтін академиялық келісімге де қол қойды.

Сапар барысында делегация университеттің симуляциялық орталығына барып, оның жабдықтарымен танысты. Кездесуде тараптар оңалту, физикалық терапия және эрготерапия салаларындағы ынтымақтастық мүмкіндіктерін талқылады.