Мектеп/бөлім: Мейіргер ісі мектебі
Білім беру бағдарламасы: 09130100 - «Мейіргер ісі», біліктілігі 5AB09130101 - «Мейіргер ісінің қолданбалы бакалавры»
Білім деңгейі: Орта білімнен кейінгі білім
Дайындық бағыты: 091 Денсаулық сақтау
Оқу тілі: қазақ, орыс
Оқу мерзімі: 3 жыл 6 ай
Бағдарламаның өзектілігі
Мейіргер ісі бойынша қолданбалы бакалавриат бағдарламасы қазіргі заманғы денсаулық сақтау жүйесінің талаптарына сәйкес келеді және еңбек нарығында сұранысқа ие, бәсекеге қабілетті мамандар даярлауға бағытталған.
Бағдарлама аясында кеңейтілген тәжірибелік дайындығы бар мейіргерді даярлау жүргізіледі, ол терең клиникалық дайындыққа ие болып, өзінің құзыреттері шегінде кәсіби функцияларды тәуелсіз орындауға, соның ішінде тәуелсіз мейіргерлік қабылдауды жүргізуге қабілетті.
БІТІРУШІНІҢ ПОРТРЕТІ
Бағдарлама аясында болашақ мамандар келесі кәсіби құзыреттерді игереді: ақпаратты басқару, сыни ойлау және шешім қабылдау дағдыларын пайдалана отырып, коммуникация және топта жұмыс жасау қабілетін дамыту; қауіпсіз, пациентке бағдарланған мейіргерлік күтімді жүзеге асыру; тәуелсіз шешімдер қабылдауға, әрекеттер мен персоналды басқаруға жауапкершілік алу; жеке, отбасы немесе популяциялық деңгейде салауатты өмір салтын насихаттау және тәуелсіз күтім көрсету әдістері мен стратегияларын меңгеру.
БАҒДАРЛАМАНЫҢ МАҚСАТТЫ АУДИТОРИЯСЫ
11 сынып негізіндегі жалпы орта білімі бар, техникалық және кәсіптік білімі бар, орта білімнен кейінгі және жоғары білімі бар тұлғалар.
Потенциалды білім алушылардың сипаттамасы:
Потенциалды білім алушылар жасына қарамастан, денсаулық сақтау жүйесінде кәсіби дамуға және мансаптық өсуге ынталы тұлғалар. Негізгі мотивация - клиникалық құзыреттерді тереңдету және кәсіби қызметте тәуелсіздік деңгейін арттыру.
БАҒДАРЛАМАНЫҢ БӘСЕКЕЛІК АРТЫҚШЫЛЫҚТАРЫ
Бағдарламаның ерекшелігі
Оқытылатын жалпы гуманитарлық, әлеуметтік-экономикалық, жалпы кәсіптік және арнайы пәндер тұлғалық және кәсіби өсуге, командада жұмыс істеуді үйренуге, ақпаратты басқаруға, сыни ойлауды дамытуға, шешім қабылдауға және инновациялық-әлеуметтік өзара әрекеттестікті дамытуға ықпал етеді.
Арнайы назар кеңейтілген клиникалық дайындығына аударылады, білім алушылар мейіргерлік араласудың кең спектрін меңгеріп, пациенттің жағдайын бағалау, жоспарлау және мейіргерлік күтімді жүзеге асыру дағдыларын игереді. Оқу практикалық бағытталған және кеңейтілген тәжірибелі медициналық мейіргер ретінде нақты медициналық ұйымдарда тиімді жұмыс істеуге дайындыққа қойылады.
Мазмұнның бірегейлігі
Бағдарлама пәндерді меңгерудегі үздіксіздік пен логикалық реттілікті, оқу жетістіктерін жинақтауды және интеграцияны қамтамасыз етеді. Білім беру бағдарламасының сабақтастығы, реттілігі, үздіксіздігі мен кешенділігі кәсіби құзыреттілікті қалыптастыруға ықпал етеді - оқу процесінің тұтастығының нәтижесі ретінде.
Шетелдік оқытушылар мен жұмыс берушілерді тарту
Бағдарлама шетелдік мейіргер ісі және денсаулық сақтау саласының мамандарын дәрістер, практикалық сабақтар, шеберлік сыныптары және ғылыми-білім беру іс-шараларына қатысу үшін тартуды қарастырады. Бағдарлама аясында қолданбалы бакалавриат білім алушылары академиялық мобильдік бағдарламаларға, халықаралық тағылымдамаларға және білім алмасу іс-шараларына қатысу мүмкіндігіне ие, бұл шетелдік практикалық және білім беру тәжірибесін алуға мүмкіндік береді.
Инновациялық технологияларды қолдану
Оқу процесінде заманауи симуляциялық технологиялар, цифрлық білім беру ресурстары элементтері және практикалық бағытталған оқыту әдістері қолданылады, олар тұрақты клиникалық дағдыларды қалыптастыруға, кәсіби ойлауды дамытуға және пациентке мейіргерлік көмекті көрсету дағдыларын жетілдіруге бағытталған, сонымен қатар клиникалық базаларда кәсіби тәжірибе жүргізу үшін тәжірибелі медициналық мейіргерлерден менторларды тарту қарастырылған.
«Астана медицина университетінде» КеАҚ симуляциялық орталығы заманауи технологиялар мен жабдықтармен қамтамасыз етілген, ол медициналық мейіргердің қызметіне тән әртүрлі клиникалық жағдайларды модельдеуге мүмкіндік береді.
СТУДЕНТТЕРДІҢ СУРЕТТЕРІ (сабақтарда, іс-шараларда және т.б.)
