AESCULAPIUS – Астана Медицина Университетінің дебат ұйымы.
Мақсаты
Aesculapius дебат клубының басты мақсаты – студенттердің сыни ойлау, шешендік өнер және логикалық талдау дағдыларын дамыту. Сонымен қатар, қоғамның өзекті мәселелері бойынша білім деңгейін арттыру және еркін пікір алмасу мәдениетін қалыптастыру арқылы болашақ мамандардың кәсіби және тұлғалық дамуына ықпал ету.
Ұйым студенттер арасында демократиялық құндылықтарды насихаттап, білім беру және мәдениет саласындағы пікірсайыстарды дамытуға бағытталған алаң ретінде қызмет етеді.
Тапсырмалары
1. Сыни ойлауды дамыту: Студенттердің өз пікірін дәлелдей білу, фактілер мен дәлелдерге негізделген шешімдер қабылдау қабілеттерін дамыту.
2. Шешендік өнерді жетілдіру: Қатысушылардың көпшілік алдында еркін сөйлеу, аудиторияны сендіру және өз ойын анық жеткізу дағдыларын қалыптастыру.
3. Көшбасшылық қабілеттерін дамыту: Студенттердің ұйымдастырушылық және көшбасшылық қасиеттерін арттыру, жауапкершілік сезімін тәрбиелеу.
4. Командалық жұмысты нығайту: Командалық пікірсайыстар арқылы бірлесіп жұмыс істеу, пікірлерді үйлестіру және ортақ шешімдер қабылдауды үйрету.
5. Интеллектуалдық және әлеуметтік тақырыптарды талқылау: Заманауи әлемнің өзекті мәселелері бойынша пікірталастар ұйымдастырып, студенттердің білімін тереңдету.
6. Демократиялық құндылықтарды насихаттау: Студенттер арасында еркін пікір алмасу мәдениетін қалыптастыру және әртүрлі пікірлерді құрметтеуді үйрету.
7. Университет имиджін арттыру: Университет студенттерінің дебаттық жарыстарда жетістіктерге жетуі арқылы оның беделін көтеру.
8. Пікірсайыс турнирлерін ұйымдастыру: Университет деңгейінде және одан тыс пікірсайыс жарыстарын өткізіп, студенттердің қатысуына жағдай жасау.
9. Өзара байланыс орнату: Басқа университеттердің дебат ұйымдарымен әріптестік қарым-қатынас орнатып, тәжірибе алмасу.
10. Өзін-өзі дамытуға ынталандыру: Қатысушылардың білімін арттыруға, жеке және кәсіби өсуге бағытталған мотивациялық іс-шаралар өткізу.
