Сипаттама
«MED-UNIT» студенттік қауымдастықтар консорциумы медициналық ғылымдардың әртүрлі бағыттарына қызығушылық танытатын студенттердің күш-жігерін біріктіру мақсатында құрылған. Консорциум оқыту, ғылыми зерттеулер және кәсіби даму салаларында синергетикалық нәтижеге қол жеткізуді көздейді.
Консорциумның негізгі идеясы — пәндер арасындағы шекараларды еңсеру және медицинаны зерттеуде пәнаралық тәсілді қалыптастыру. Консорциумның ұраны — «Бірлік арқылы — түсінуге», бұл күрделі медициналық мәселелерді тереңірек түсіну үшін білім мен тәжірибені біріктіруге деген ұмтылысты білдіреді.
«MED-UNIT» консорциумы медицинаға қызығушылық танытатын студенттерді біріктіретін және олардың кәсіби әрі тұлғалық дамуына жағдай жасайтын платформа болуды мақсат етеді. Ынтымақтастық пен өзара көмек арқылы консорциум қатысушылары медициналық ғылымдарды түсінуде және оларды практикалық тұрғыда қолдануда жаңа биіктерге жете алады.
"MED-UNIT" консорциумының мақсаттары
1. Пәнаралық өзара іс-қимылды дамыту:
Медицина саласының әртүрлі бағыттарындағы студенттерді білім, тәжірибе және идея алмасу үшін біріктіру.
2. Ғылыми әлеуетті дамыту:
Медициналық ғылымдардың түрлі аспектілерін қамтитын бірлескен зерттеулер жүргізуге жағдай жасау.
3. Білім беру сапасын арттыру:
Медицина саласының әртүрлі бағыттарындағы мамандардың қатысуымен білім беру іс-шараларын, шеберлік сабақтарын, дәрістер мен семинарларды ұйымдастыру.
4. Кәсіби қауымдастық қалыптастыру:
Студенттердің кәсіби қалыптасуына қолдау көрсету, командалық жұмыс пен көшбасшылық дағдыларын дамыту.
5. Медициналық ғылымдарды насихаттау:
Қоғамдық іс-шаралар, конференциялар және жарияланымдар арқылы медицинадағы пәнаралық тәсілдің маңыздылығына назар аударту.
"MED-UNIT"консорциумының міндеттері:
1. Қауымдастықтар қызметін үйлестіру:
Бірлескен жобаларды іске асыру мақсатында «SPECTRUM» және «VITA & MORS» қауымдастықтары арасындағы тиімді өзара әрекеттестікті қамтамасыз ету.
2. Пәнаралық зерттеулерді ұйымдастыру:
Өзекті медициналық мәселелерді шешу үшін әртүрлі салалардағы студенттерді біріктіретін жұмыс топтарын құру.
3. Білім беру іс-шараларын өткізу:
Студенттердің дүниетанымын кеңейтуге және білімін тереңдетуге бағытталған дәрістер, семинарлар, воркшоптар мен конференциялар ұйымдастыру.
4. Ғылыми бастамаларды қолдау:
Студенттерге ғылыми жұмыстарды дайындау және жариялау барысында көмек көрсету, конкурстарға қатысуға қолдау білдіру.
Консорциумға кіретін бірлестіктердің сипаттамасы:
1. Медициналық ғылымдардың пәнаралық студенттік қауымдастығы «SPECTRUM»
- Қызмет бағыттары: микробиология, иммунология, аллергология, генетика, биохимия және басқа да сабақтас ғылымдар.
- Мақсаты: медициналық ғылымдардың іргелі негіздерін зерделеу, аурулардың даму механизмдерін зерттеу және оларды емдеудің жаңа тәсілдерін әзірлеу.
- Міндеттері: зертханалық зерттеулер жүргізу, ғылыми пікірталастар ұйымдастыру, конференцияларға қатысу және зерттеу нәтижелерін жариялау.
2. Клиникалық ғылымдардың пәнаралық студенттік қауымдастығы «ACUSTRUM»
- Қызмет бағыттары: хирургия, терапия, радиология, офтальмология, стоматология және басқа да сабақтас ғылымдар.
- Мақсаты: клиникалық ғылымдардың іргелі негіздерін зерделеу, аурулардың даму механизмдерін зерттеу және оларды емдеудің жаңа тәсілдерін әзірлеу.
- Міндеттері: клиникалық зерттеулер жүргізу, ғылыми пікірталастар ұйымдастыру, конференцияларға қатысу және зерттеу нәтижелерін жариялау.
Instagram: med_unit.mua
+7 776 267 7651
