RU 
EN 
QZ 
Құрылу тарихы
1964 жылы Целиноград мемлекеттік институтында гистология, цитология және эмбриология кафедрасы құрылды. Кафедраның бірінші меңгерушісі биология ғылымдарының кандидаты, доцент Ф.С. Балакин (1964-1974) болды. Ұлы Отан соғысына қатысқан. Қызыл Жұлдыз орденімен және медалдармен марапатталды.
1974-1997 жж. гистология, цитология және эмбриология кафедрасын м.ғ.д., профессор А.Н. Бажанов басқарды. Отандық гистологияның дамуына зор үлес қосқан Республикалық және Одақтық маңыздағы (ТМД) ғалым.
1997-2009 жж аралығында басқа кафедраның құрамында гистология курсын м.ғ.к., доцент, профессор Б.Б Барышев меңгерді. 90 таман ғылым жұмыстарының авторы.
2009 ж бері гистология және цитология кафедрасын А.А.Кикимбаева меңгеріп келеді. 2009 жылынан жеке құрылымдық бөлімше ретінде гистология кафедрасының құрылуына белсенді қатысты. 2010 ж. «Астана медициналық Университеті» АҚ Ғылыми Кеңесінің шешімімен гистология және цитология кафедрасы жұмыстың негізгі түрлерінің нәтижелері бойынша 2009-2010 оқу жылдың үздік кафедралардың бірі болып танылды. Кикимбаева А.А. эксперименталды эндокринология бойынша халықаралық конгресстерінде ұсынылған және еуропалық пен америка журналдарында жарияланған ғылыми жұмыстардың авторы.
Мақсаттар
- Оқу жоспарларына және бағдарламаларға сәйкес оқу-әдістемелік, тәрбие жұмысының және студенттердің оқытуында ағымды, аралық және қорытынды бақылаудың жоспарлануы, ұйымдастырылуы және жүзеге асырылуы.
- Біліктілікті жоғарылату, факультет курстарында жоғары мамандандырылған ғылыми-педагогикалық кадрларды дайындау.
- Практикалық денсаулық сақтаудың іргелі және басым бағыты бойынша ғылыми зерттеулердің жоспарлануы және өткізілуі, ғылыми зерттеу жұмыстары және инновациялық технологиялардан алынған нәтижелердің енгізілуі.
Функциялар
- Кафедра бейіні бойынша жоғары кәсіптік және жоғары оқу орнынан кейінгі білім берудің МЖМБС білім беру бағдарламаларын жүзеге асыру;
- Оқыту формалары бойынша оқу сабақтарының барлық түрлерін өткізу;
- Кафедра қызметкерлерінің педагогикалық жүктемеге сәйкес үлгерімнің электрондық журналын жүргізуі;
- Қызметкерлердің оқу, әдістемелік, ғылыми жұмысының және студенттермен тәрбие жұмысының жоспарланған және ағымдағы мәселелерін талқылау мәселелері бойынша кафедра отырысын өткізу;
- Кафедра пәндері бойынша оқу бағдарламаларын әзірлеу;
- Кафедра бейіні бойынша оқу процесін кешенді оқу-әдістемелік және ұйымдастырушылық-әдістемелік қамтамасыз етуді жүзеге асыру, оқу және өндірістік практикаларды өткізу;
- Кафедраның жұмыс жоспарларын және кафедра оқытушыларының жеке жұмыс жоспарларын әзірлеу;
- Сабақ өткізу барысында оқытудың қазіргі заманғы техникалық құралдардарды қолдану;
- Кафедрада ғылыми-зерттеу жұмыстарын жүргізу және инновациялық технологияларды апробациялау;
- Оқулықтарды, оқу құралдарын және басқа да ғылыми/оқу, оқу-әдістемелік әдебиеттерді баспадан шығару;
- Білім алушыларды ғылыми-зерттеу жұмыстарына тарту (СҒҚ, ҚМЖ, орындалатын ғылыми-зерттеу жобалары); білім алушылардың ғылыми жұмыстарын, оның ішінде халықаралық рецензияланатын журналдарда жариялауды қамтамасыз ету; білім алушылардың қатысуымен қорғау құжаттарын алу; білім алушылардың олимпиадаларға, ғылыми-практикалық конференцияларға және ғылыми жұмыстар конкурстарына қатысуын қамтамасыз ету;
- Кафедра оқытушыларының жеке жоспарларының және қызметкерлердің өзге де жұмыс түрлерінің сапасын бақылауды жүзеге асыру және орындау;
- Деканаттар және университет басшылығы ұйымдастыратын қоғамдық және мәдени-көпшілік шараларға қатысу.
Қызмет
Кафедраның ғылыми жұмысының негізгі бағыты «4,8-дигидроксихинолин-2-карбон қышқылынан туындаған қантты диабеттің дамуының және алдын алудың механизмдерін зерттеу». Бұл ғылыми зерттеудің тақырыбы келесі бағыттарға сәйкес келеді: медицина саласындағы зерттеулер; жаратылыстану ғылымдарының саласындағы іргелі зерттеулер. Жұмыс істеген кезеңінде кафедра қызметкерлері әртүрлі ғылыми тақырыптар бойынша 400-ге жуық ғылыми жұмыстарды жариялады: оның ішінде алыс шетелдердің импакт факторы жоғары журналдарында 30-ға жуық ғылыми мақалалар, 3 монография, қазақ тілінде және орыс тілінде 24 оқу құралы, өнертабыстың 3 алдын ала патенті, 1 инновациялық патент. Кафедраның оқу жұмысына білім берудің жаңа 3 технологиясы енгізілді: «Морфологиялық кешен», «Оқу теледидары», «IТ технологиясын қолдану арқылы қорытынды бақылауда студенттердің практикалық машықтарын бағалау».
Жетістіктер
Кафедрада 1 биологиялық ғылымдардың докторы, профессор, 1 медицина ғылымдарының докторы, профессор, 2 ғылым кандидаты, доцент, профессор, 13 медицина және биология магистрлері жұмыс істейді. 2011-2013 жж 2 медицина магистрі дайындалды. 2013-2019 жж кафедра қызметкерлерінің қазақ тілінде және орыс тілінде құрастырып дайындаған жеке гистология бойынша оқу құралдардың сериясы баспадан шығарылды. Кафедраның студенттер үйірмесінің тәрбиеленушілері ТМД елдерінің халықаралық конференцияларында, еуропалық симпозиумдарда ғылыми баяндамалар жасаған. 2013-2019 жылдары кафедра «Астана медицина университеті» КеАҚ, Букетов атындағы КарМУ (Карағанды қ.) және «Герхардт Катч» (Карлсбург қ.) Диабет институті бірлескен «Исследование механизмов развития и предотвращения сахарного диабета, вызываемого 4,8-дигидроксихинолин-2-карбоновой кислотой» атты ғылыми жобаның орындалуына қатысты (ғылыми жоба 01.01.2013−31.12.2019 жж, тіркелген нөмірі 0113РК00525). Қызметкерлердің ғылыми жұмыстары «Астана медициналык журналы», «ҚарМУ хабаршысы», «ҚазҰУ хабаршысы», «Валеология» атты республикалық журналдарда, жақын шетелдердің «Архив анатомии, гистологии и эмбриологии», «Проблемы эндокринологии», «Бюллетень экспериментальной биологии и медицины» журналдарында, алыс шетелдердің «Diabetes Research and Clinical Practice», «Acta Diabetologica», «Diabet & Metadolism», «Diabetes», «Journal Clinical Lipidology», «European Journal of Ophthalmology», «The Journal Minerva Endocrinologica», «Diabetes Technology & Therapeutics» журналдарында жарияланды. Ғылыми жұмыстардың нәтижелері еуропалық симпозиумдарда, диабетологтардың дүниежүзілік және америкалық конгресстерінде ұсынылды.
Байланыс деректері
Нұр-Султан қ, Бейбітшілік к. 49, гистология және цитология кафедрасы,
тел. 53-94-29.
