Мақсаты
Қазіргі заман талаптарына жауап беретін, дәлелді медицина қағидаттарына сәйкес келетін және медицина саласында озық технологияларды қолдана алатын, қажетті білім мен практикалық дағдыларды меңгерген жоғары білікті мамандарды және ғылыми-педагогикалық кадрларды даярлау.
Құрылу тарихы
Балалар аурулары №3 кафедрасы 2002 жылдың ақпан айында ұйымдастырылды. Оның негізін қалаушы – медицина ғылымдарының докторы, профессор Скучалина Любовь Николаевна. Ол кафедраны 2008 жылдың қыркүйегіне дейін басқарды. Любовь Николаевна 12 жыл бойы ЦГМИ балалар аурулары кафедрасын басқарды (1987–1999 жж.). Сондай-ақ 10 жыл бойы ЦГМИ педиатрия факультетінің деканы қызметін атқарды (1989–1999 жж.).Профессор Скучалина Л.Н. – European Respiratory Society, European Academy of Allergy & Clinical Immunology ұйымдарының мүшесі, сондай-ақ ТМД елдеріндегі педиатриядағы респираторлық медицина бойынша «Білім беру халықаралық консенсусының» сараптамалық кеңесінің мүшесі. Ол «Қазақстан Республикасының денсаулық сақтау ісінің үздігі» белгісімен, «Денсаулық сақтау ісіне қосқан үлесі үшін» төсбелгісімен, сондай-ақ Денсаулық сақтау министрлігінің грамоталары және дипломдарымен марапатталған.2008 жылдан бастап бүгінгі күнге дейін кафедраны медицина ғылымдарының докторы Абдрахманова С.Т. басқарады.
Қызметі
Кафедра «№2 Көпсалалы қалалық балалар ауруханасы», «№3 Көпсалалы қалалық балалар ауруханасы», «№2 Қалалық емхана», «№5 Қалалық емхана», «№7 Қалалық емхана», сондай-ақ «Медикер» және «Радуга здоровья» медициналық орталықтарының базасында орналасқан.Кафедра педиатрлар, балалар кардиологтары, пульмонологтар және гастроэнтерологтар үшін педиатрияның әртүрлі бөлімдері бойынша біліктілікті арттыру курстарын өткізеді.Кафедрада 19 штаттық қызметкер жұмыс істейді, олардың ішінде 3 медицина ғылымдарының докторы, 7 медицина ғылымдарының кандидаты, 2 медицина магистрі бар. Ассистент-тәлімгерлер ретінде бөлім меңгерушілері және «Педиатрия», «Кардиология», «Ревматология», «Гастроэнтерология» мамандықтары бойынша жоғары білікті дәрігерлер қызмет атқарады.
Кафедрада оқыту деңгейлері:
бакалавриат – «Педиатрия», «Медицина», «Стоматология», «Кинезитерапия» мамандықтары бойынша;
интернатура – «Педиатрия», «Жалпы медицина» мамандықтары бойынша;
резидентура – «Педиатрия», «Кардиология», «Ревматология», «Гастроэнтерология», «Балалар гастроэнтерологиясы» мамандықтары бойынша;
магистратура – «Медицина» мамандығы бойынша;
докторантура – «Медицина» мамандығы бойынша.
Профессор-оқытушылар құрамы «халықаралық академиялық ұтқырлық» бағдарламасы аясында «Астана медицина университетімен», «Ташкент медицина университетімен» (Өзбекстан), «Әбу Әли ибн Сина атындағы Бұхара мемлекеттік медицина университетімен» (Өзбекстан), «Е.А. Вагнер атындағы Пермь мемлекеттік медицина университетімен» (Ресей), «Омбы мемлекеттік медицина университетімен» (РФ), «Новосибирск мемлекеттік медицина университетімен» (РФ) белсенді ынтымақтастық жүргізеді.Кафедраның әрбір қызметкері Астана қаласындағы белгілі бір емдеу мекемесіне бекітілген. Бұл мекемелерде кафедра қызметкерлері апта сайынғы дәрігерлік обходтар, ағымдағы консультациялар және науқастарды бақылау жұмыстарын жүргізеді.Кафедраның оқытушылар құрамы ауруханаішілік және қалалық ғылыми-практикалық конференцияларға, сондай-ақ патологоанатомиялық конференцияларға тұрақты түрде қатысады.
Жетістіктері
Кафедрада 1 докторлық, 4 кандидаттық, 5 магистрлік диссертация қорғалған. Кафедра қызметкерлері әртүрлі деңгейдегі конференциялар, съездер, конгрестер мен олимпиадалардың жұмысына үнемі қатысады. Кафедра қызметкерлерінің ғылыми-зерттеу жұмыстарының нәтижелері алыс және жақын шетелдерде, республикалық және өңірлік маңызы бар ғылыми журналдарда жарияланып келеді (кафедра қызметкерлерінің жарияланымдарының жалпы саны 490-нан асады), сондай-ақ практикалық денсаулық сақтау саласына енгізілуде (50-ден астам енгізілім).
Кафедра қызметкерлері ТМД елдерінің педиатрлар одағының, ТМД елдерінің балалар кардиологтары қауымдастығының мүшелері ретінде, сондай-ақ «ТМД елдеріндегі педиатриядағы респираторлық медицина бойынша білім беру халықаралық консенсусы» сараптамалық кеңесінің, ERS және EAACI ұйымдарының құрамында жақын және алыс шетел ғалымдарымен белсенді ынтымақтастық жүргізеді. Сонымен қатар олар 3 әдістемелік ұсыным мен халықаралық клиникалық нұсқаулықтардың тең авторлары болып табылады.
Кафедра қызметкерлері «Балалардағы жедел респираторлық вирустық инфекцияларды емдеуде Эргоферон препаратының тиімділігі мен қауіпсіздігін бағалауға арналған халықаралық көпорталықты, қос соқыр, плацебо-бақыланатын, рандомизацияланған клиникалық зерттеу» бағдарламасының қатысушылары болып табылады. Сондай-ақ олар Nazarbayev University жанындағы National Laboratory Astana зертханасымен бірлесіп «Антибиотикотерапиядан кейін ішектің мукоздық қабатын қалпына келтіру әдіснамасын әзірлеу» жобасына қатысуда.
Қазақстан Республикасының кейбір өңірлерінде вакцинация деңгейінің төмендеуін ескере отырып, Батыс және Солтүстік Қазақстан аймақтарының дәрігерлері мен тұрғындары үшін вакцинопрофилактика мәселелері бойынша білім беру семинарларының циклдері ұйымдастырылып, өткізілді. Білім беру гранты туралы келісімге (Educational Grant Agreement) сәйкес қайтарымсыз негізде «Вакцина для дочки и сына» атты бейнебағдарламалар циклі дайындалды. Бұл бейнематериалдар балалардың емдеу-профилактикалық мекемелерінде вакцинопрофилактика бойынша көрнекі құрал ретінде пайдалануға енгізілді.
Кафедра қызметкерлері «Қазақстан Республикасының денсаулық сақтау ісінің үздігі», «Құрметті ұстаз» төсбелгілеріне, Қазақстан Республикасы Денсаулық сақтау министрлігінің және университет ректорының грамоталарына, сондай-ақ денсаулық сақтау департаменттері мен емдеу мекемелерінің бас дәрігерлерінің алғыс хаттарына ие.
Кафедра оқытушылары өз қызметінде кәсібилік, адалдық және принципшілдік қағидаларын, еңбекке жауапкершілікпен қарауды, педиатриядағы деонтология қағидаларын сақтауды, сондай-ақ білім мен дағдыларды үнемі жетілдіруді басшылыққа алады.
Байланыс деректері
87017954632, 87782294048
e-mail: abdrakhmanova.sag@gmail.com
