Көз ауруларының кафедрасы

Көз ауруларының кафедрасы

Басшылық
Ахмедьянова Зейнет Угубайқызы
кафедра меңгерушісі м.ғ.к., профессор

Жоғарғы санатты дәрігер-офтальмолог, ҚР денсаулық сақтау ісінің үздігі, ҚР офтальмологтар қауымдастығының мүшесі, КеАҚ «АМУ» ғылыми кеңесінің мүшесі

 1972 жылы Целиноград мемлекеттік медицина институтын тамамдады. Сеченов атындағы № 1 Мәскеу медицина институтында көз аурулары кафедрасымен біріккен Бүкілодақтық Ғылыми Зерттеу Институтының көз микрохирургиясында аспирантураны оқыған. 1982 жылы Мәскеуде «Аргонлазерлі коагуляция кезіндегі ретинохориодальді байланыстарды зерттеу»атты кандидаттық диссертациясын қорғады.

З.У. Ахмедьянованың жетекшілігімен 2 магистрант, 1 доктор PhD диссертациялық жұмыстарын қорғап шықты. 550 астам ғылыми жұмыстары бар, соның ішінде оқу-әдістемелік нұсқаулар, әдістемелік ұсыныстар баслып шығарылды. З.У. Ахмедьянованың жетекшілігімен оқу процесіне студенттің білімін бағалаудың рейтингілік жүйесі, «дәрігер мен науқас» рөлдік ойындары, TBL құзыреттілігі негізінде оқыту, ОҚКЕ әдісімен емтиханды қабылдау сияқты оқытудың жаңа технологиялары енгізілді. Астана қ. емдік мекемелерінде дәрігерлік кеңес өткізеді.

Профессор З.У. Ахмедьянова қарқынды және адал еңбегі үшін: Университет әкімшілігі тарапынан бірнеше рет алғыс жарияланды, ҚР ДСМ құрмет грамоталары мен медальдарымен, «Қазақстан Республикасынын тәуелсіздігіне 20 жыл» медалімен (2011ж.) марапатталды, «Құрметті ұстаз» (2012ж.) және «Енбек ардагерi» (2019ж.) атты Университеттің корпоративтік марапаттарына иеленді. 2021 ж. АМУ құрметті профессор атағы берілді.

 

Кадрлық құрам

Мақсаттары

Студенттерді оқу жоспарлары және бағдарламаларымен сәйкес оқыту; негізгі, аралық және қорытынды бақылау үшін оқулық, методикалық, клиникалық, тәрбиелік жұмыстарды жоспарлау, ұйымдастыру және оны іске асыру.
Жоғары білікті ғылыми-педагогикалық кадрларды дайындау. Магистратура, докторантура, резидентурада біліктілігін жоғарылату; практикалық денсаулық сақтау бағытында фундаменталды және басым ғылыми зерттеулерді жүргізу. Инновациялық технологиялар мен ғылыми-зерттеу жұмыстарының нәтижелерін енгіздіру.
 
  Құрылу тарихы

1965 жылы қыркүйек айында Целиноград мемлекеттік медициналық институтында көз аурулары кафедрасы ашылды. Кафедра меңгерушісі лауазымы Кудряшова А.А. жүктеліп, 1968 жылға дейін жетекшілік етті. Кафедра базасы облыстық аурухананың 30 төсектік орыны бар көз аурулары бөлімшесінде болды.
1969-1984 жылдары кафедра меңгерушісі медицина ғылымдарының кандидаты Голенков Артур Константинович жетекшілік етті. Оның негізгі ғылыми зерттеулері нейроофтальмологияға арналған. Мысал ретінде көру нерві дискісінің іркілісіндегі венозды пульсацияны зерттеуге арналған монографияны айтуға болады. Сол кездегі кафедрада м.ғ.к. Родионов Ю.М., м.ғ.к. Соколова З.Я., м.ғ.к.Ахмедьянова З.У. ассистенттері жұмыс істеді.
1985-1987 жылдары кафедраны медицина ғылымдарының кандидаты, доцент Соколова Зельма Яковлевна, ал 1987-2008 жылдар аралығында м.ғ.к. профессор Зейнет Угубаевна Ахмедьянова басқарды.
2009-2011 жылдар аралығында офтальмология хирургиялық дисциплиналар кафедрасы қатарына болды. 2012-2018 жылдары – ЛОР және көз аурулары кафедрасы атанды. Осы уақыт аралығында көз аурулары курсына профессор Ахмедьянова З.У. басшылық жасады. 2019 жылы көз аурулары курсы ЛОР аурулары кафедрасынан бөлініп, жеке кафедра атанды. Көз аурулары кафедрасының меңгерушісі қызметін профессор, м.ғ.к. Ахмедьянова З.У. жалғастырып жатыр.
                   
 Қызметі

«Офтальмология» курсы бойынша жүргізілген мамандықтар:
051101 –емдеу ісі;
051102 – педиатрия;
6 В 10107 – жалпы медицина;
6 В 10108 – стоматология;
Интернатура: хирургтарға, ЖТД
Қазіргі уақытта:
жалпы медицина
стоматология

  Жоғары оқу орнынан кейінгі білім беру бойынша:

  • 7R09119-Офтальмология, соның ішінде балалар;
  • 7R09124-Отбасылық медицина;
  • 7R09131-Жақ-бет хирургиясы

     Офтальмологияның өзекті мәселелері бойынша офтальмолог-дәрігерлердің біліктілігін арттыру мақсатында дипломнан кейінгі оқыту бойынша кафедра оқытушыларымен курстар жүргізіледі. Сонымен қатар, «Офтальмалогия (ересектер, балалар)» мамандығы бойынша алғашқы дәрігерлік дайындық өткізіледі.
 
    Жетістіктері

2007 жылға дейін кафедрада клиникалық ординатура ғана оқытылды. 2008 жылдан бастап кафедрада резидентура, 2010 жылдан бастап докторантура және 2011 жылдан бері магистратура ашылды.
Көз аурулары кафедрасында интернатурада 43 дәрігер, клиникалық ординатурада 12 дәрігер, сонымен қатар, 189 резидент, 2 магистрант, 3 докторант дайындалынды. Қазіргі уақытта 71 резидент оқып жатыр, 1 докторант және 1 магистрант апробациядан өтті.
Көз аурулары кафедрасының қызметкерлерімен: 1028 астам мақалалар мен тезистер шетелдік және республикалық ғылыми басылымдарда шықты, 230 астам дәрігерлерге арналған әдістемелік ұсыныстар басылып шықты, денсаулық сақтау тәжірибесінде 399 медициналық ғылыми жетістіктер жарияланды. Қызметкерлер барлық республикалық және халықаралық конференцияларға қатысады.
Е.А. Егоровтың «Офтальмология» кітабы қазақ тілінде аударылып шығарылды. «Офтальмологиядағы шұғыл жағдайлар», «Аметропия түрлері, оның коррекциясы», «Офтальмологияның таңдаулы бөлімдері», «Глаукома», «Офтальмологияның негізгі зерттеу әдістері» атты оқу-әдістемелік құралдары қазақ, орыс және ағылшын тілдерінде басылып шығарылды.
Жыл сайын мемлекеттік жалпы міндетті стандарты бойынша, мамандық пен пәндердің типтік және жұмыс оқу бағдарламасына сәйкес силлабус, басқа да оқу-әдістемелік құжаттар қарастырылып өңделеді.
Көз аурулары кафедрасы Қазақстанның және жақын-алыс шетелдік ғылыми-зерттеу мекемелерімен тығыз байланыста жұмыс жасап жатыр, академиялық мобилділік бағдарламасына белсенді қатысуда. Кафедра студенттері, резиденттері, магистранттары Ресей және Прибалтика мемлекеттерінің жетекші университеттерінде оқып, ғылыми-зерттеу орталықтарында тәжірибе алмасты.
Кафедрада оқып жатқан дәрігерлер Астананың бүкіл жетекші клиникаларында тәжірибеленуде. Көз аурулары кафедрасының клиникалық базалары: №2 көпбейінді қалалық аурухана, №3 көпбейінді қалалық аурухана, Қазақ көз аурулары ҒЗИ филиалы, № 2 Қалалық балалар ауруханасы" ШЖҚ МКК, Басты әскери клиникалық госпиталь,
Центр восстановления зрения Astromed, клиника «Astana vision», клиника «Expert vision».
   
    Байланыс: 

 Астана қ., Ә. Молдағұлова, 38
ШЖҚ МКМ №3 көпбейінді қалалық аурухана
Астана қ., Жеңіс даңғылы, 81
ШЖҚ МҚМ №14 қалалық емхана
 
Фотогалерея
Тізімге оралу
© 2022, Астана медицина университеті
Астана қаласы, Бейбітшілік көшесі 49а
тел.: +7 (7172) 53 94 47; +7 700 153 94 47
Яндекс.Метрика