Мақсаттары
Қазақстан Республикасының «Қазақстан Республикасындағы тіл туралы» Заңына сәйкес мемлекеттік тілдің университетте кеңінен қолданылуын қамтамасыз ету және Заң талаптарының орындалуын бақылау.
Университет жұмыскерлері үшін мемлекеттік тілді оқыту курстарының жұмысын ұйымдастыру, үйлестіру.
Университет жұмыскерлерінің мемлекеттік тілді білу деңгейін анықтау және бағалау.
Құрылу тарихы
Мемлекеттік тілді дамыту бөлімі «Қазақ мемлекеттік медицина академиясы» РМҚК ректорының 2007 жылғы 5 сәуірдегі №76-ө бұйрығының негізінде құрылды. Бөлім басшысы болып м.ғ.д., профессор Даленов Ерболат Дербісәліұлы тағайындалды.
Бөлім 2009 жылдың ақпан айында «Мемлекеттік тілді дамыту және тіл саясаты бөлімі» деп аталып қайта құрылды. Бөлім бастығы болып профессор Мұхамбедия Ахметов тағайындалды.
2019 жылдың наурыз айынан бастап бөлім бастығы болып Орынбасарова Бақтынұр Әділқызы тағайындалды.
2019 жылғы 9 қыркүйектен бастап Университеттің жаңа ұйымдық құрылымына сәйкес Мемлекеттік тілді дамыту тобы деп аталды.
Қызметі
- Университетте мемлекеттік тілде іс жүргізуді үйлестіру, бөлімше жұмыскерлеріне қазақ тілінде іс жүргізу бойынша әдістемелік көмек көрсету.
- Шығыс хаттарды, шарттарды, жарғыны, стандарттарды, ережелерді, келісімдерді, лауазымдық нұсқаулықтарды, техникалық ерекшеліктерді және т.б. құжаттардың қазақ тіліндегі нұсқасын редакциялауды қамтамасыз ету.
- Орыс тілінен қазақ тіліне аударылған мәтіндердің түпнұсқалардың лексикалық, стилистикалық және мағыналық мазмұнына дәл сәйкестігіне сараптау.
- Мемлекеттік тілді дамыту бойынша университетте семинарлар мен іс-шаралар ұйымдастыру.
- Қазақ тілін меңгеру қажеттілігін анықтау. Тыңдаушылар контингентін жинау. Деңгей бойынша топтарға бөлу. Оқу орталықтарымен байланыс орнату. Оқу процесін ұйымдастыру. «Руханият» КММ-мен бірлесіп қазақ тілін үйренгісі келетін жұмыскерлерге тегін оқыту курстарын ұйымдастыру.
- Университет жұмыскерлерінің қазақ тілін білу деңгейін анықтау және бағалау үшін ҚАЗТЕСТ жүйесі бойынша тестілеуді өткізу рәсімін ұйымдастыру.
Жетістіктері
Топ жұмыскерлерінің әдістемелік көмегі нәтижесінде құрылымдық бөлімшелер ісқағаздарды мемлекеттік тілде сапалы даярлайды. 2014 жылы Университет қалалық «Мемлекеттік тілде іс жүргізуші үздік мекеме» байқауына қатысып, І орынды иеленді, дипломмен марапатталды.
Топ жұмыскерлерінің әдістемелік көмегімен университеттің оқытушы-профессорларының жүзге жуық оқу-әдістемелік құралдары жарыққа шықты.
Қазақстан Республикасы Денсаулық сақтау министрінің 2017 жылғы 27 ақпандағы № 38 бұйрығының 7-тармағына сәйкес Мемлекеттік тілді дамыту тобы ҚР Денсаулық сақтау министрлігінің Тілдерді дамыту басқармасымен бірлесіп 2019 жылғы 1 қарашада «Астана медицина университеті» КеАҚ базасында «Медициналық білім беру – мемлекеттік тіл аясында» тақырыбында республикалық терминологиялық конференцияны ұйымдастырды. Конференцияның материалдар жинағына топ жұмыскерлерінің мақалалары жарияланды: Б.А.Орынбасарова, А.М. Шаймұратова «Жаңа термин жасаудағы терминбөлшектердің маңызы», Н.Ж. Шамгунова, Ж.Қ. Муслимова «Ағылшын тіліндегі медициналық терминдерді аудару ерекшеліктері».
2023 жылы 21 қыркүйекте Мемлекеттік тілді дамыту тобы «Шәкәрім мұрасы – ұлттың асыл қазынасы» тақырыбында республикалық конференцияны өткізді.
Байланыс
Астана қаласы, Абай даңғылы, 47
тел: 8 (7172) 57-78-96 (439)
