2022 жылдың 27 қазанында «Астана медицина университеті» КеАҚ дерматовенерология және дерматокосметология кафедрасы Дүниежүзілік псориазбен күресу күніне арналған «Псориаз терапиясындағы болашақ» атты аймақтық ғылыми-тәжірибелік конференциясын өткізді.

               Конференцияның модераторы – медицина ғылымдарының докторы, профессор, Қазақстан Республикасының еңбек сіңірген қайраткері, Қазақстандық дерматовенерологтар, дерматокосметологтар қауымдастығының президенті, «МУА» КеАҚ дерматовенерология және дерматокосметология кафедрасының меңгерушісі Батпенова Гүлнар Рыскелдіқызы.

               Конференцияға 100-ден астам дерматологтар, дерматокосметологтар, жалпы тәжірибе дәрігерлері, ревматологтар, фтизиатрлар және т.б. дәрігерлер қатысты.

               Бұл қазақстандық ғалымдарды, медицина қызметкерлерін және денсаулық сақтауды ұйымдастырушыларды біріктіретін және псориазбен ауыратын науқастарды қолдауға және қоғамның назарын псориаз проблемасына аударуға бағытталған әлемнің көптеген елдерінде бір мезгілде өткізілетін жыл сайынғы ірі іс-шара.

             Ғылыми-тәжірибелік конференцияның мақсаты – дұрыс ғылыми-тәжірибелік ақпаратты тарату арқылы псориаз туралы хабардарлықты арттыру, терапияға қол жеткізуге ықпал ету және пациенттердің өздерінің медициналық қажеттіліктері мен күнделікті кездесетін мәселелері туралы айтуына мүмкіндік беру.

            Конференцияда псориазбен ауыратын науқастарға медициналық көмек көрсетудің ең өзекті мәселелері талқыланды, осы патологиядан зардап шегетін науқастардың өмір сапасын жақсартуға мүмкіндік беретін ең заманауи әдістер мен технологияларды енгізу перспективалары ұсынылды.

              Конференцияға Қазақстандық спикерлер қатысты, конференцияның маңызды фактілерінің бірі псориаз ауруының клиникалық өзекті мәселелері, дифференциалды диагностика және дәрілік емес терапия әдістері туралы баяндамалар жасаған 1 және 2 курс резиденттерінің баяндамалары болды.

              Конференцияның маңызды артықшылығы дерматологтар үшін ғана емес, сонымен қатар барлық профильдегі мамандар үшін псориаз проблемасы төңірегінде бірігу мүмкіндігі болды, бұл кең таралған және өзекті аурудың көптеген мәселелерін талқылауға мүмкіндік берді.