«Астана Медицина Университеті» КеАҚ-та Басқарушы директор А.С.Тиеспен, Материалдық-техникалық қамтамасыз ету басқармасының басшысы – С.Е.Оразбаевпен және Эксплуатация басқармасының басшысы – Р.A.Агисаевпен Астана қаласындағы заманауи жатақхана құрылысының перспективалық жобасын талқылау мақсатында  BAZIS-А, BI-Group,  «Компания Астана Строй Инвест» ЖШС, «AEK Munai» ЖШС, «Рамстрой»  ЖШС, «Аргын групп» ЖШС, «Medina building» ЖШС және т.б компаниялармен  кездесу өткізілді.   

Жоба студенттер мен жас мамандар үшін қолайлы және қолжетімді өмір сүру жағдайларын жасауға бағытталған.

Жобаның негізгі артықшылықтары:

1. Сұраныстың  жоғарылығы: Астана қаласында студенттер үшін сапалы және жайлы тұрғын үйлердің айтарлықтай тапшылығы байқалады.

2. Заманауи  жағдайлар: Интернетті, спорт және оқу аймақтарын қоса алғанда, жатақхана барлық қажетті жайлылықтармен жарақтандырылатын болады.

3. Әлеуметтік маңыздылығы: Жоба білім беру инфрақұрылымын дамытуға және медицина саласындағы болашақ мамандардың өмір сүру деңгейін арттыруға ықпал етеді.

4.         Экономикалық пайда: Жылжымайтын мүлікке инвестиция салу әрқашан сенімді және пайдалы бизнес болып қала береді.