Астана Медициналық Университетінің Үндістаннан келген студенттері ұлттық ойындар Асық ату және Бес асық бойынша Әлем чемпионатына қатысты. Қызу тартыс барысында олар Асық ату дисциплинасында құрметті 4-орынға ие болды. Жарысқа әлемнің 15 елінен келген өкілдер қатысып, өздерінің шеберліктері мен спорттық қабілеттерін қазақтың дәстүрлі ойындарында көрсетті.

 Біздің студенттеріміздің мұндай жарыстарға қатысуы Қазақстанның мәдени мұрасын сақтап қана қоймай, ұлтаралық байланысты нығайтуға да көмектеседі. Студенттер өздерінің жоғары деңгейдегі дайындығын және олар оқып жатқан елдің дәстүрлеріне деген құрметін көрсетті.

 Біз олардың жетістіктерімен мақтанамыз және бұл табыс болашақ қатысушыларға үлгі болады деп үміттенеміз. Асық атуда құрметті 4-орын алған студенттерді құттықтаймыз және оларды оқуда да, спортта да жаңа жеңістерге жетуге тілектеспіз!