2024 жылғы 11-15 қараша аралығында Ш. И. Сарбасова атындағы микробиология және вирусология кафедрасының меңгерушісі, медицина ғылымдарының докторы, профессор Марат Өтеуұлы Дусмағамбетов халықаралық академиялық ұтқырлық бағдарламасы аясында Ресей Федерациясы Денсаулық сақтау министрлігінің Омбы мемлекеттік медицина университетіне іссапармен барды.

Іссапардың негізгі мақсаты – «Емдеу ісі» мамандығының 3-курс студенттеріне арналған «Клиникалық микробиология» пәні бойынша дәрістер мен практикалық сабақтар циклін өткізу. Бұл сабақтар студенттердің клиникалық микробиология саласындағы білімдерін тереңдетуге және кәсіби дағдыларын кеңейтуге бағытталды.

Іссапар барысында профессор Дусмагамбетов 2024 жылғы 14-15 қарашада Омбы қаласында өткен академик Е.Н. Павловскийдің табиғи ошақтық аурулар теориясының 85 жылдығына арналған «Табиғи ошақтық аурулардың өзекті аспектілері» атты халықаралық қатысумен өткен Бүкілресейлік ғылыми-тәжірибелік конференцияға қатысты. Конференцияға Ресейдің әртүрлі өңірлерінен жетекші мамандар қатысты.

Конференцияда Марат Утеуович «Астана медицина университетінде микробиологияны оқытудың заманауи тәсілдері» тақырыбындағы дөңгелек үстел барысында баяндама жасады. Баяндама үлкен қызығушылық туғызып, микробиологияны оқыту әдістері бойынша тәжірибе алмасуға ықпал етті.

Конференцияда табиғи ошақтық аурулардың өзекті мәселелерін қамтитын 30-дан астам баяндама тыңдалды. Бұл іс-шараға қатысу халықаралық ғылыми байланыстарды нығайтып, Астана медицина университетінің микробиология саласындағы жетістіктерін танытуға мүмкіндік берді.

Сапар Қазақстан мен Ресейдің білім беру мекемелері арасындағы академиялық ынтымақтастықты дамытуда маңызды қадам болып, халықаралық ғылыми әріптестікті нығайтуға үлес қосты.