Академик Е.Д. Даленов атындағы профилактикалық медицина ҒЗИ-ның санитариялық-гигиеналық зертханасы "Астана медицина университеті"студенттік ғылыми үйірмесінің ашылғаны туралы хабарлайды. Бұл студенттер үшін санитария, гигиена және экологиялық қауіпсіздік саласындағы білімдерін тереңдетудің, зертханалық-аспаптық зерттеулердің заманауи әдістерін меңгерудің және қоршаған ортаның адам денсаулығына әсерін талдауды үйренудің бірегей мүмкіндігі.

Үйірме жұмысының негізгі бағыттары:

- Қоршаған орта факторларына қойылатын санитарлық-гигиеналық талаптарды зерттеу.

- Зертханалық-аспаптық зерттеу әдістерін қолдану.

- Микроклимат, жарық, шу және діріл параметрлерін, электромагниттік өрістерді өлшеу үшін жабдықты практикалық қолдану.

- Адам денсаулығын зерттеудің физиологиялық әдістерін игеру (спирометрия, динамометрия және басқа физиологиялық көрсеткіштер).

- Нормативтік-құқықтық базаны зерделеу: хаттамаларды ресімдеу және әртүрлі объектілерге (мектепке дейінгі балалар мекемелері, өнеркәсіптік кәсіпорындар және т.б.) санитарлық-эпидемиологиялық қорытындылар жасау.

Ғылыми үйірменің жетекшілері:

Асқаров Қуандық Аққалұлы – Академик Е.Д. Даленов атындағы профилактикалық медицина ҒЗИ-ның жетекші ғылыми қызметкері, Тел: +7702 431 7520, Эл. пошта: askarov.k@amu.kz

Мұқашева Кавира Мырзағұлқызы – Академик Е.Д. Даленов атындағы профилактикалық медицина ҒЗИ-ның аға ғылыми қызметкері, Тел: +77017020337, Эл. пошта: mukasheva.k@amu.kz

Қызығушылық танытқан барлық студенттерді ғылыми үйірмеге қосылуға және санитарлық-гигиеналық зерттеулер саласында құнды білім мен практикалық дағдыларды алуға шақырамыз. Бұл болашақ мамандар үшін кәсіби қызметте пайдалы тәжірибе жинауға тамаша мүмкіндік!