Күні: 2 сәуір 2025 жылғы 9:00-де
Өтетін орны: Астана, Бейбітшілік көшесі, 49А, Мәжіліс залы
Форматы: Офлайн және онлайн

«Астана медицина университеті» сіздерді IV ЖОО аралық ғылыми-тәжірибелік конференцияға қатысуға шақырады. Конференцияның тақырыбы – «Көпсалалы тәсіл: жалпы практика, дерматовенерология және аралас пәндердің өзара әрекеттестігі».

Ұйымдастырушылар: дерматовенерология және дерматокосметология кафедрасы, сондай-ақ жалпы дәрігерлік практика және дәлелді медицина курсы кафедрасы. Конференция медицина ғылымдарының докторы, профессор Г.Р. Батпенова және медицина ғылымдарының кандидаты, доцент Г.А. Дербисалина жетекшілігімен өткізіледі. Жыл сайынғы бұл шара студенттер, резиденттер, оқытушылар мен жас ғалымдар үшін өзекті медициналық мәселелерді талқылауға арналған алаңға айналды.

Конференцияның негізгі тақырыптары:

-        Жалпы дәрігерлік практика мен дерматовенерологиядағы заманауи әдістер

-        Әртүрлі мамандықтағы дәрігерлердің өзара әрекеттестігі және емдеу сапасын арттыру

-        Медицинадағы жаңа зерттеулер мен клиникалық тәжірибелер.

Конференцияға қатысуға студенттер, резиденттер, магистранттар, докторанттар және медициналық ЖОО оқытушылары шақырылады. Іс-шара қорытындысы бойынша электронды ғылыми жинақ жарияланады.

Қазіргі заманғы медицинаның маңызды мәселелерін бірге талқылайық!