2025 жылғы 15 сәуірінде Астана медицина университетінде «ХХІ ғасырдың цифрлық тұзақтары» және «Қаржылық алаяқтардан қорғану жолдары» тақырыбында дәріс өтті. Оны ҚР Қаржылық мониторингі агенттігінің Экономикалық тергеп-тексеру департаментінің қызметкерлері – Нұрғали Аязов пен Асхат Нысанбаев жүргізді.

Кездесудің басты мақсаты – студенттердің алаяқтық схемаларды тану дағдыларын қалыптастыруына ықпал ету және цифрлық ортадағы негізгі қауіптерді түсіндіру болды.

Спикерлер қаржылық алаяқтықтың ең көп таралған түрлері туралы айтты, соның ішінде:

·       «Банктерден» қауіп туралы хабарлама және ақша аударуды немесе кіру кодтарын хабарлауды сұрайтын қоңыраулар;

·       Жылдам кіріс уәдесі бар жалған инвестициялық ұсыныстар;

·       Фишингтік сілтемелерді мессенджерлер мен әлеуметтік желілер арқылы тарату;

·       Жалған деректемелермен және нөмірлерді ауыстырумен жалған сайттар құру.

Алаяқтардың жастарды белсенді тартатын амал-тәсілдеріне ерекше назар аударылды. Мұндай тәсілдердің бірі — жалған жұмыс орындарын ұсыну. Кей жағдайда студенттерге «қашықтан жұмыс» немесе «аударым рәсімдеу» секілді ұсыныстар жасалып, олардың заңсыз қаржы операцияларына қатыстырылатыны түсіндірілмейді.

Сонымен қатар нақты ұсыныстар берілді:

·       Банктік карта мен растау кодтарының деректерін ешкімге бермеңіз;

·       Күдікті көздерден сілтемелер бойынша өтпеңіз;

·       Жұмыс берушілерді мұқият тексеріңіз, әсіресе жартылай жұмыс туралы хабарландырулар кезінде;

·       Кез келген күдік туындаған жағдайда — құқық қорғау органдарына хабарласыңыз.

Аталған дәріс студенттерге цифрлық кеңістіктегі негізгі қауіптер мен олардан қорғану жолдарын еске салды. Мұндай іс-шаралар қаржылық сауаттылық пен сыни ойлауды нығайтуға ықпал етеді, бұл алаяқтық схемаларды тануға және қулыққа түспеуге көмектеседі.