Астана медицина университетінде «Қазіргі кезеңде азаматтық жоғары оқу орындарында әскери дайындықты жетілдіру: тарихы мен даму келешегі» тақырыбында халықаралық ғылыми-практикалық конференция өтті. Іс-шара төрт елден қатысушыларды жинап, «Ұлы Жеңіс: ерікке тағзым, ұрпаққа үлесі» Республикалық акциясының бір бөлігі болды.

Іс-шараны «Астана медицина университеті» КеАҚ әскери кафедрасы ұйымдастырды. Конференция бірден екі маңызды күнге – Ұлы Отан соғысындағы Жеңістің 80 жылдығына және әскери кафедраның құрылғанына 60 жыл толуына орайластырылды.

Мемлекеттік тудың салтанатты енгізілуі іс-шараның ресми ашылуына ерекше мән берді. Қорғаныс министрлігінің, Ішкі істер министрлігінің, Ұлттық қауіпсіздік комитетінің, Мемлекеттік күзет қызметінің, ардагерлер мен қоғамдық ұйымдардың өкілдерінен құттықтау сөздер айтылды.

Конференция аясында:

·         кафедра түлектерін «Достық» және «МУА – 60 жыл» мерейтойлық медальдарымен марапаттау рәсімі;

·         әскери-медициналық даярлықты дамыту тақырыбындағы баяндамалар ұсынылған гибридті форматтағы (офлайн және онлайн) ғылыми сессия;

·         шығармашылық ұжымдар мен еңбек сіңірген әртістердің қатысуымен мерекелік концерт.

«Әскери медицина – бұл тек пән ғана емес, ол ғылым, кәсібилік және Отан алдындағы борыштың үйлесімі. Конференция әр түрлі елдердің тәжірибесі халықтың денсаулығы мен қауіпсіздігін қорғау үшін жоғары дәрежелі кадрларды даярлаудың бірыңғай мақсаты үшін біріге алатынын көрсетті», — деп атап өтті Астана медицина университетінің ғылыми жұмыс жөніндегі проректоры Виталий Койков.

Баяндамашылар қатарында медициналық қызмет офицерлері, әскери кафедралардың оқытушылары және әскери медицина саласындағы сарапшылар болды. Барлық баяндамалар іс-шара соңында шығарылған ғылыми материалдардың қорытынды жинағына енді.

Астана медицина университеті маңызды тарихи кезеңдер аясында ғылыми және патриоттық ынтымақтастықты нығайтып, әскери білім беру мәселелері бойынша халықаралық диалог алаңын қалыптастырудағы жетекші рөлін тағы бір мәрте дәлелдеді.