2025 жылғы 18 сәуірде Республикалық МСАК орталығында Қазақстан, Түркия, Қырғызстан және Өзбекстанның жетекші мамандарының қатысуымен «Медициналық-санитариялық алғашқы көмек: ғылым, практика және даму перспективалары» атты ғылыми-практикалық конференция өтті. Іс-шара «Ғылым күндері» аясында өтті және отбасылық дәрігер күніне орайластырылды.

Ұйымдастырушы «Астана медицина университеті» КеАҚ № 3 отбасылық медицина кафедрасы болды. Қатысушылар МСАК саласындағы заманауи сын-қатерлер мен мүмкіндіктерді, бастапқы буын дәрігерлерінің жұмысына жасанды интеллект технологияларын енгізуді, сондай-ақ медициналық қызметтердің сапасын жақсартудағы халықаралық тәжірибені талқылады.

Мазмұнды баяндамалар жасағандар:

·         Төлебай Рахыпбеков пен Роза Абзалова - «Primary Health Care» Ұлттық қауымдастығының сарапшылары

·         Отбасылық медицина кафедрасының оқытушылары

·         Өз елдерінің МСАК жаңғырту тәжірибесін ұсынған шетелдік сарапшылар

Ғылыми тәсілдерді ғана емес, нақты кейстерді, цифрландыруды және болашақ денсаулық сақтаудағы жалпы практика дәрігерінің рөлін талқылады.

Конференция тәжірибе алмасу, өзекті сын-қатерлерді талқылау және денсаулық сақтау саласындағы халықаралық ынтымақтастықты нығайту үшін кәсіби алаңға айналды.