Әлем бойынша 14 маусым күні жыл сайын Дүниежүзілік қан доноры күні атап өтіледі. Бұл өз еркімен қан тапсырып, өзгелердің өмірін сақтап қалуға үлес қосқан жандарға алғыс айту күні.
Қан донорлығы – денсаулық сақтау жүйесінің ең маңызды буындарының бірі. Ол ауыр жарақаттарда, хирургиялық операцияларда, босану кезінде, сондай-ақ онкологиялық және гематологиялық ауруларды емдеу барысында миллиондаған адамның өмірін сақтап қалуға көмектеседі.
Бұл күн қан тапсырудың маңыздылығын және медициналық мекемелерде тұрақты қан қорын қамтамасыз етудің қажеттілігін еске салады.
Біз барлық донорларға олардың игілікті және аса маңызды үлесі үшін шын жүректен алғыс білдіреміз.
