2025 жылдың 15–19 қыркүйек аралығында «Астана медицина университеті» КеАҚ шетелдік профессор әрі лектор ретінде белгілі зерттеуші және редактор, 150-ден астам Scopus-қа индекстелген мақалалардың авторы, H-index 38 көрсеткішіне ие, д-р Армен Юри Гаспарянды шақырады (Scopus Author ID: 56207203100).

 Сапар тақырыбы: пәнаралық ғылыми коммуникация, ғылыми зерттеулердің этикалық қырлары және ғылыми редакциялау.

 Дәрістердің негізгі тақырыбы: «Цифрландыру дәуіріндегі ғылыми зерттеулер».

 Д-р Гаспарян 1994 жылдан бастап клиникалық зерттеулермен айналысады, 2002 жылы PhD дәрежесін қорғаған. Ұлыбританиядағы Бирмингем қалалық госпиталінде және Бирмингем университетінде ревматология және тромбоз саласында мол тәжірибе жинақтаған. 2017 жылдан бастап Rheumatology International (Springer Nature; Q2, Clarivate) журналының бас редакторы, сондай-ақ Journal of Korean Medical Science (Q1, Clarivate) журналының ассоциативті редакторы болып табылады.

 Д-р Гаспарян Қазақстанның жетекші медициналық жоғары оқу орындарында (ҚазҰМУ, ОҚМА, БҚМУ және т.б.) құрметті профессор және шақырылған лектор ретінде дәрістер оқыған. Сонымен қатар, ол халықаралық редакциялық қауымдастықтармен тығыз байланыста: Дүниежүзілік медициналық редакторлар қауымдастығының (WAME) және Еуропалық ғылыми редакторлар қауымдастығының (EASE) мүшесі, Scopus мазмұнын іріктеу жөніндегі Консультативтік кеңестің сарапшысы.

 Ғылыми қызығушылықтары:

·        ревматология мен кардиологиядағы пәнаралық зерттеулер;

·        ғылыми этика және жарияланым мәдениеті;

·        халықаралық ғылыми коммуникацияны дамыту;

·        ғылыми редакциялау және деректерді ұсыну стандарттары.

Бұл тіркеу сілтемесі тек университет студенттері мен профессор-оқытушылар құрамы үшін қолжетімді.

 Қатысу үшін 2025 жылғы 8 қыркүйекке дейін тіркеу формасын толтыру қажет.

Тіркеу сілтемесі: https://forms.gle/nWQajMnQukHGy1E59