2025 жылғы 6–10 қазан аралығында «Астана медицина университеті» КеАҚ шетелдік маман ретінде Ресей медициналық үздіксіз кәсіптік білім академиясының (РМАНПО) инфекциялық аурулар кафедрасының меңгерушісі, Дүниежүзілік денсаулық сақтау ұйымының (ДДҰ) сарапшысы, 30 жылдан астам клиникалық және педагогикалық тәжірибесі бар инфекционист-дәрігер, медицина ғылымдарының докторы, профессор Наталья Юрьевна Пшеничную шақырады.

Дәрістердің негізгі тақырыбы: «Қазіргі инфекциялық аурулардың ағымы, диагностикасы және емдеу ерекшеліктері».

Ғылыми және кәсіби қызметі:

·         Медицина ғылымдарының докторы (2006), профессор (2011).

·         2024 жылдан бастап РМАНПО инфекциялық аурулар кафедрасының меңгерушісі.

·         Ресей тұтынушылар құқығын қорғау және адамның игілігі жөніндегі қадағалау федералдық қызметінің «Орталық эпидемиология ҒЗИ» клинико-талдамалық жұмыстар жөніндегі директордың орынбасары.

·         Мәскеудің жетекші клиникаларында инфекционист-дәрігер (№2 жұқпалы аурулар клиникалық ауруханасы, European Medical Center).

·         500-ден астам жарияланым, оның ішінде Scopus базасында индекстелген шетелдік журналдардағы мақалалар, 13 өнертабыстың патенті, халықаралық монографияларда тараулар.

·         Хирш индексі: Scopus – 18, РИНЦ – 27.

Халықаралық ынтымақтастық:

·         ДДҰ сарапшысы және кеңесшісі (тұмау, COVID-19, Конго-Қырым қанды қызбасы, инфекциялық бақылау).

·         ДДҰ-ның 20-дан астам клиникалық миссиясына қатысқан (Орталық Азия, Қытай, Африка, Еуропа).

·         COVID-19 бойынша РФ халықаралық миссияларының жетекшісі (Италия, Қырғызстан, ОАР).

·         Ресей Федерациясы Денсаулық сақтау министрлігінің уақытша клиникалық ұсынымдарының тең авторы (COVID-19, 2020–2023 жж.).

Ғылыми қызығушылықтары:

·         қазіргі инфекциялық аурулар және олардың диагностикасы;

·         вирустық инфекциялардың клиникалық аспектілері (тұмау, COVID-19, КҚҚҚ);

·         медициналық ұйымдардағы инфекциялық бақылау;

·         инфекцияларды емдеу және алдын алудың халықаралық стандарттары.

Бұл тіркеу сілтемесі тек университеттің білім алушылары мен профессорлық-оқытушылық құрамына арналған.

Қатысу үшін 2025 жылғы 29 қыркүйекке дейін тіркеу формасын толтыру қажет.