Бұл күн көздің саулығын сақтауға, көру қабілетін қалпына келтіруге өмірін арнаған офтальмолог дәрігерлердің еңбегіне арналды.

Офтальмологтар көз ауруларын анықтап, емдеп қана қоймай, күрделі операциялар жасап, миллиондаған адамға көру қуанышын қайтарады. Бұл саладағы еңбек – жоғары дәлдікті, терең білімді және әр науқасқа ерекше назарды талап етеді.

Астана медицина университетінде офтальмология ерекше орын алады. Мұнда болашақ мамандар заманауи диагностика әдістерін, лазерлік технологияларды, көз микрохирургиясын меңгеріп, практикалық дағдыларын жетілдіреді.

Офтальмологтардың кеңестері:

• Көру қабілетіңізді тұрақты түрде тексеріп тұрыңыз.

• Компьютерде жұмыс істегенде үзіліс жасап, көзге арналған жаттығулар орындаңыз.

• Дәрі-дәрмектерді дәрігердің нұсқауынсыз қолданбаңыз.

• Көзіңізді қорғаңыз — ол сіздің дүниеге ашылған терезеңіз!