Астана медицина университетінің қабырғасында Қазақстан Республикасының Мемлекеттік Егемендігі туралы декларациясының 35 жылдығына арналған салтанатты іс-шара өтті.

Мерекелік бағдарлама мемлекеттік туды алып, елдің әнұранын орындаудан басталды. Іс-шараны әлеуметтік – гуманитарлық ғылымдар кафедрасының меңгерушісі Бибіжамал Омарованың "Қазақстан Республикасының күні-тарих, маңыздылық және қазіргі заман маңызы" атты баяндамасымен ашылды. Ол өз баяндамасында Егемен Қазақстанның қалыптасуының негізгі кезеңдерін еске салып, мемлекеттік тәуелсіздікті нығайтудағы азаматтық бірліктің рөлін атап өтті.

Басқарма Төрағасы – университет ректоры Анар Тұрмұхамбетова қатысушыларды жылы лебіздерімен құттықтады, оларда тәуелсіздік, бірлік пен ұлттық мақтаныштың символы ретінде осы күннің маңыздылығы айтылды.

Көп жылғы еңбегі, жоғары кәсібилігі және денсаулық сақтау және медициналық білім беру жүйесін дамытуға қосқан үлесі үшін университет қызметкерлеріне ректордың қолынан ведомстволық және университеттік төс белгілерді тапсыру дәстүрлі және ерекше әсерлі сәт болды.

Осы күні Қазақстан Республикасының Президенті Қасым-Жомарт Тоқаевтың Жарлығымен Астана медицина университетінің екі қызметкері марапатталды:

Франц Галицкий, Сот медицинасы және құқық кафедрасының профессоры, медицина ғылымдарының докторы – «Ерен еңбегі үшін» медалімен;

Асылжан Ерекешов, балалар хирургиясы кафедрасының профессоры, медицина ғылымдарының кандидаты, доцент – «Құрмет» орденімен.

Мерекелік атмосфера, шын жүректен алғыс сөздер мен отанға деген мақтаныш сезімі мерекеге қатысушыларды біріктірді. Іс - шара Қазақстанның күші-өз халқының бірлігінде, тәуелсіздік мұраттарына адалдықта және прогреске ұмтылуда екенін еске салды.

Республика күні-әрбір Қазақстандықты өз елін сүюге, бағалауға және дамытуға шабыттандыратын мереке.