«Астана медицина университеті» қабырғасында «ҒЫЛЫМДЫ ДАМЫТУҒА СІҢІРГЕН ЕҢБЕГІ ҮШІН» төсбелгісімен марапаттау және PhD докторантура түлектеріне диплом тапсырудың салтанатты рәсімі өтті. Бұл шара университеттің ғылыми және академиялық өміріндегі ең маңызды оқиғалардың бірі болып, профессор-оқытушылар құрамының және жас зерттеушілердің ғылыми жетістіктерін мойындаудың символына айналды. «Астана медицина университетінің» ректоры Анар Ақылбекқызы Турмухамбетова заманауи медицинаны дамытудағы ғылыми зерттеулердің маңыздылығын атап өтті.

Ғылымға қосқан үлесі үшін медальдармен марапатталғандар:

• Дербисалина Гульмира Ажмадиновна - м.ғ.к., «Дәлелді медицина курсымен жалпы дәрігерлік практика» кафедрасының меңгерушісі;

• Тургамбаева Асия Кайрбаевна - м.ғ.к., профессор, «Қоғамдық денсаулық және менеджмент» кафедрасының меңгерушісі;

• Раисова Карлыгаш Аскеровна – PhD, «Магистратура және докторантура бөлімінің» бастығы.

Сол күні PhD докторантура түлектеріне диссертациясын сәтті қорғап, философия докторы (PhD) ғылыми дәрежесін алғандарға диплом тапсыру рәсімі өтті.

PhD дәрежесін беру туралы дипломдар берілді:

• Руцкая-Морошан Кристина Станиславовна - «Медицина» білім беру бағдарламасы бойынша PhD доктор дипломы;

• Догалбаев Ербол Кайратбекович - «Медицина» білім беру бағдарламасы бойынша PhD доктор дипломы;

• Медубаева Мадина Дюсенбаевна - «Медицина» білім беру бағдарламасы бойынша PhD доктор дипломы;

• Кабдуллина Ажар Муслюмкановна - «Медицина» білім беру бағдарламасы бойынша PhD доктор дипломы;

• Амиркулова Айнура Аскарбековна - «Медицина» білім беру бағдарламасы бойынша PhD доктор дипломы;

• Кайдар Эльмира - «Қоғамдық денсаулық сақтау» білім беру бағдарламасы бойынша PhD доктор дипломы.

Салтанатты рәсімді аяқтай отырып, қатысушылар «Астана медицина университеті» ғылыми бастамаларды қолдауды, зерттеу бағдарламаларын дамытуға және Қазақстанның әлемдік ғылыми қауымдастықтағы орнын нығайтуға ұмтылысын жалғастыра беретінін атап өтті.