2025 жылғы 13-14 қарашада «Астана медицина университеті» КЕАҚ базасында «Астана медицина университеті» КЕАҚ оңалту және спорттық медицина кафедрасының ұйымдастыруымен «Оңалту мен спорттық медицинадағы заманауи үрдістер» атты II Халықаралық ғылыми-практикалық конференция өтті. Іс-шара спорттық медицина, оңалту, дене шынықтыру және спорт саласындағы жетекші отандық және шетелдік мамандарды, ғалымдар мен практиктерді біріктірді.
Конференцияның басты мақсаты тәжірибе алмасу, заманауи тәсілдерді талқылау және спорттық медицина мен оңалту саласында инновациялық әдістерді енгізу үшін мамандар мен зерттеушілердің күш-жігерін біріктіру болды.
Форум жұмысына Германия, Италия, Беларусь, Франция, Ресей, Өзбекстан және Тәжікстан сарапшылары, сондай-ақ оңалту, кәсіптік терапия, кинезитерапия, психология, диетология және спорттық медицина саласындағы жетекші Қазақстандық ғалымдар мен практик дәрігерлер қатысты.
Бағдарламаға пленарлық отырыстар, тақырыптық секциялар, пікірталас панельдері және спортшыларды медициналық қолдау, физикалық өнімділікті арттыру, қозғалыс белсенділігін қалпына келтіру және инновациялық технологияларды оңалту тәжірибесіне біріктіру мәселелеріне арналған шеберлік сыныптары кірді. Қазақстанның денсаулық сақтау жүйесіне пәнаралық өзара іс-қимыл мен халықаралық тәжірибені енгізуге ерекше назар аударылды.
«Астана медицина университеті» КЕАҚ клиникалық жұмыс жөніндегі проректоры Абылай Шәкенов:
«Бүгін мұнда Қазақстаннан ғана емес, шет елдерден де ғалымдар, дәрігерлер, тәжірибешілер мен жас зерттеушілер жиналды. Бұл оңалту және спорттық медицина адамның белсенді өмірін қалпына келтіруге, нығайтуға және ұзартуға бағытталған қазіргі заманғы денсаулық сақтаудың маңызды бағыттарына айналатынын көрсетеді.
Мен бұрын спортпен айналысқанмын. Спорт-бұл тәртіп, берілгендік, мақсат қою және оларға жету қабілеті. Бұл қасиеттер кәсіби қызметте де сақталуы керек».
Конференция Қазақстанда оңалту мен спорттық медицинаны дамытуға бағытталған тәжірибе алмасу және жаңа идеяларды қалыптастыру үшін маңызды алаңға айналды.
