QS Stars халықаралық рейтингінде 22 Қазақстандық университет ұсынылған, олардың үшеуі ғана медициналық. 2023 жылдан бастап Астана медицина университеті беделді QS Stars бағалау жүйесінде таныла отырып, өзінің жоғары сапасын екінші рет растап келеді.

Соңғы бағалау нәтижелері бойынша университет негізгі санаттар бойынша төрт жұлдызға ие болды:

- Teaching & Medicine - оқыту және клиникалық дайындық сапасы;

- Employability - еңбек нарығында түлектердің жоғары сұранысы;

- Global Engagement - халықаралық жобалар мен серіктестіктерге белсенді қатысу;

- Social Impact & Inclusiveness - қоғамдық денсаулық пен білім берудің қолжетімділігі саласындағы тұрақты бастамалар.

«Университет алғаш рет QS Stars рейтингіне 2023 жылы үш жұлдыз алып кірді. 2024 жылы біз Қазақстанда QS Stars төрт жұлдызының алғашқы иегері болдық, ал 2025 жылы университет төрт жұлдыздың рейтингін ұстап, жоғары мәртебені қайта растады - бұл университет ұжымының үйлесімді жұмысының нәтижесі. Бұл жетістік біздің оқытушыларымыздың, студенттер мен қызметкерлердің кәсібилігінің жоғары деңгейін, сондай-ақ Астана медицина университетінің халықаралық академиялық стандарттарға сенімді қозғалысын көрсетеді. Біз мұнымен тоқтаған жоқпыз және зерттеу қызметін нығайтуды, жарияланым белсенділігін арттыруды, академиялық ұтқырлық пен халықаралық тағылымдамаларды кеңейтуді, сондай-ақ денсаулық сақтау индустриясымен өзара іс-қимылды күшейтуді жалғастырдық», - деп атап өтті академиялық жұмыс жөніндегі проректор Әсем Досанова.

Естеріңізге сала кетейік, QS Stars-ті жоғары бағалау университеттің академиялық және ұйымдастырушылық артықшылығының, сондай-ақ оның ғылым, медицина және қоғамның дамуына қосқан елеулі үлесінің дәлелі болып табылады.