Астана медицина университетінің студенті – Қазақстан Республикасының «Жылдың үздік студенті»
Астана медицина университетінің студенті – Қазақстан Республикасының «Жылдың үздік студенті»
Оқу, ғылыми және қоғамдық қызметтегі жоғары жетістіктерін көрсете отырып, Дарын байқаудың барлық кезеңдерінен сәтті өтіп, қазылар алқасының бірауыздан қабылдаған шешімімен үздік деп танылды. Оның табандылығы, белсенді азаматтық ұстанымы мен кәсіби дамуға ұмтылысы заманауи студенттік көшбасшылықтың жарқын үлгісі болды.
Марапаттау рәсімі «Қазмедиа орталығы» ғимаратында салтанатты жағдайда өтті. Жеңімпазға қол жеткізген жетістігінің жоғары мәртебесі мен маңызын айқындайтын куәлік, медаль және диплом табысталды.
«Жылдың үздік студенті» республикалық байқауын Ұлттық инновациялық-ғылыми зерттеу орталығы «Bilim Orkenieti» Республикалық инновациялық орталық «Жаңа Қазақстанмен» бірлесіп ұйымдастырды. Байқаудың басты мақсаты – оқу, ғылым, шығармашылық және спорт салаларында елеулі нәтижелерге қол жеткізген талантты, бастамашыл әрі әлеуметтік белсенді студенттерді анықтау және қолдау.
Дарын Андақұловтың жеңісі – оның жеке жетістігі ғана емес, сонымен қатар жаңа Қазақстанның болашақ кәсіби мамандары мен көшбасшыларын тәрбиелейтін Астана медицина университетінің беделін нығайтуға қосылған зор үлес.
