Астана медицина университетінде Сот медицинасы және құқық кафедрасы алғаш рет 1-курс білім алушыларына қаржылық сауаттылық негіздері бойынша олимпиада ұйымдастырып, өткізді.

Іс-шараға 10 командаға біріктірілген 50 студент қатысты. Білім алушылар өз командаларының атауларын алдын-ала ойлап тауып, жарыстың үнін бірден белгіледі – жанды, креативті және шынымен командалық.

Жарыс екі лигада өтті – Қазақ лигасы және Орыс лигасы, әрқайсысы 5 командадан тұрды. Медицина, Фармация, Мейіргер ісі, Қоғамдық денсаулық сақтау және Стоматология білім беру бағдарламаларының студенттері қатысты.

Олимпиада екі кезеңнен тұрды.

Бірінші кезеңде студенттер жеке тестілеуден өтті: команданың әр мүшесі қаржылық сауаттылық бойынша білімін тексеруге бағытталған бес тапсырманың бірін орындады.

Екінші кезең шығармашылық және аналитикалық сипатта болды. Командалар тақырыпты кездейсоқ таңдады, 20 минут ішінде спектакль дайындап, 5 минуттық презентация форматында өз позицияларын ұсынды.

Қойылымдарды қазылар алқасы бес критерий бойынша бағалады, олардың әрқайсысы 20 балдық шкала бойынша бағаланды. Олимпиада барысында студенттер білімдерін сенімді, өз ұстанымдарын дәлелдей білуін, сыни ойлауын, командалық бірлігі мен харизмасын көрсетті. Іс-шара бірінші емтихан сессиясы қарсаңында жағымды эмоциялар мен қосымша мотивацияның қайнар көзі болды.

Олимпиада қорытындысы

Қазақ лигасы:

FinWave

Inferno

Dollar

Орыс лигасы:

Әділет

Фармалогик

CashPlan

Өткізілген олимпиада студенттердің қаржылық сауаттылық мәселелеріне жоғары қызығушылығын көрсетті. Осыған байланысты іс-шараны тұрақты негізде – әр семестрде бір рет өткізу жоспарланып отыр.