2026/2027 оқу жылының көктемгі семестріне арналған академиялық ұтқырлық бағдарламасы аясында «Жалпы медицина» білім беру бағдарламасының 3-курс студенттері үшін конкурс жарияланады.

Студенттер Литва Республикасының мемлекеттік стипендиялық бағдарламасы шеңберінде Литва денсаулық ғылымдары университетінде (LSMU, Литва) қысқа мерзімді оқу бағдарламасына қатыса алады.

Бағдарлама: LSMU-дағы қысқа мерзімді оқу

Қаржыландыру: мемлекеттік стипендия

Орын саны: 35 орын

Оқыту тілі: ағылшын тілі

Өтінім беру мерзімі: 2026 жылғы 26 наурыз

Талаптар:

– академиялық қарыздың болмауы;

– тәртіптік жазалардың болмауы;

– GPA кемінде 3,2 (қайта қатысушыларға – 3,6);

– жетістіктердің болуы (қалаулы);

– қолданыстағы халықаралық сертификаттардың (IELTS – 6.5) немесе білім беру ұйымы берген В2 сертификатының/шетел тілін білу сертификатының болуымен расталатын В2 деңгейінен төмен емес оқытудың шет тілін білу.

Конкурсқа қатысу үшін құжаттар:

1. CV / Резюме

2. Motivation Letter / Мотивациялық хат

3. Recommendation Letter / Ұсыным хат

4. Фото 3×4

5. Паспорт

6. Транскрипт (оқудың барлық кезеңі үшін)

*Алыс шетелге арналған бағдарламалар үшін құжаттар ағылшын тілінде ұсынылады.

ӨТІНІМДЕР ҚАБЫЛДАНАДЫ:

Халықаралық ынтымақтастық бөлімі

«Астана медицина университеті» КеАҚ

Астана қ., Бейбітшілік даңғылы 49А, бас корпус, 414 кабинет

Кеңес беру және құжат қабылдау уақыты: 16:00–17:00

Конкурс өткізу күні қосымша хабарланады.

Тек ҚР азаматтары қатыса алады.