Астана медицина университетінде әкімшілік-басқару персоналының (ӘБП) қызметкерлері BLS (Basic Life Support – базалық өмірді қолдау) бағдарламасы бойынша жүрек-өкпе реанимациясын жүргізу және алғашқы көмек көрсету бойынша оқу курсынан өтті.

Сабақты АМУ-дың Симуляциялық орталығы ұйымдастырды. Қызметкерлер алғашқы көмек көрсету алгоритмдерімен танысып қана қоймай, алған білімдерін тәжірибе жүзінде пысықтады. Олар жүрек-өкпе реанимациясын жүргізуді, автоматты сыртқы дефибрилляторды қолдануды және қанайналым кенеттен тоқтаған жағдайда дұрыс әрекет етуді үйренді.

Мұндай оқытудың негізгі мақсаты қарапайым: төтенше жағдайда абдырап қалмай, жедел медициналық көмек келгенге дейін не істеу керектігін білу.

Денсаулыққа қамқорлық күнделікті жұмыстың ажырамас бөлігі болып табылатын университет үшін мұндай дағдылар тек медицина мамандарына ғана емес, барлық қызметкерлерге маңызды. Төтенше жағдайдың алғашқы минуттарында адамға көмек көрсете білу – әр адамның қолынан келеді.