19–20 қыркүйекте Астанада 38-ші Халықаралық «XXI ғасыр психологиясы» конгресі өтеді. Бұл кәсіби алаңға әлемнің әртүрлі елдерінен жетекші ғалымдар, практик психологтар, психотерапия, психиатрия және клиникалық психология саласының мамандары жиналады.

Конгресс заманауи психологияның қалай өзгеріп жатқаны, практикаға қандай жаңа тәсілдер мен технологиялар енгізіліп жатқаны және бүгінгі таңда психологиялық көмек саласында қандай шешімдер өзекті екені туралы ашық кәсіби пікір алмасуға мүмкіндік береді.

Бағдарламада психологиялық ғылым мен практиканың өзекті мәселелеріне арналған жетекші мамандардың пленарлық баяндамалары, заманауи психологиялық көмек көрсету әдістері мен құралдарын таныстыратын практикалық шеберлік сабақтары, сондай-ақ қатысушылардың баяндамалары қамтылған.

Кәсіби қарым-қатынас пен тәжірибе алмасуға ерекше назар аударылады. Қатысушылар психология ғылымы мен практикасының заманауи даму үрдістерін талқылап, өздерінің практикалық тәжірибелерімен бөлісіп, әртүрлі елдерден келген әріптестерімен жаңа ғылыми және кәсіби байланыстар орната алады.

Конгресс ұйымдастырушылары:

Халықаралық психологиялық ғылымдар академиясы;

«Oilan Universiti» интегративті психология және психотерапия университеті;

«Медициналық университет Астана» психиатрия, наркология және клиникалық психология кафедрасы;

Л.Н. Гумилев атындағы Еуразия ұлттық университетінің психология кафедрасы.

Өтетін орны: «Астана» конференц-залы, Достық көшесі, 18.

Өтетін күні: 2026 жылғы 19–20 қыркүйек

Басталуы: 19 қыркүйек, сағат 10:00-де.

Толық ақпарат: «Конгресс 2026».

Жаңалықтар, бағдарламадағы өзгерістер және ұйымдастыру комитетінің хабарландырулары «Конгрессы и конференции УИПП» Telegram-арнасында жарияланады.

Қатысу және ұйымдастыру мәселелері бойынша:

Румия Галимова, Халықаралық психология конгресінің ұйымдастырушысы

+7 702 901 7357, galimovarumiya.f@gmail.com.