19 қыркүйекте Астана медицина университетінде «Таза Қазақстан» республикалық акциясы аясында күзгі сенбілік өтті.
Таңертең университет басшылығы, оқытушылар, білім алушылар мен қызметкерлер Бейбітшілік, Сарыарқа, Абай және Жеңіс көшелеріндегі барлық оқу ғимараттарының аумағын тазалауға шықты. Қатысушылар қураған жапырақтарды жинап, аумақтарды қоқыстан тазалап, жолдарды сыпырды.
«Таза Қазақстан» акциясы еліміз бойынша өткізіліп, қоғамдық орындардың тазалығы мен абаттандырылуын қамтамасыз етуге бағытталған.
Бірлескен еңбек - әр адамның ел тазалығы мен тәртібіне қосқан нақты үлесі.
