2026 жылғы 20–25 қыркүйек аралығында Қытай Халық Республикасының Шыңжаң медициналық университетінің 11 студенті мен оқытушысы Медициналық университет Астанада академиялық ұтқырлық бағдарламасы аясында тағылымдамадан өтті.
Астанада өткен бір апталық тағылымдама қатысушыларға Қазақстандағы медициналық білім беру жүйесі мен клиникалық тәжірибемен танысып қана қоймай, реабилитология және спорттық медицина салаларында практикалық тәжірибе жинақтауға мүмкіндік берді.
Тағылымдама бағдарламасына практикалық дәрістер мен үш клиникалық базаға бару енгізілді. Қатысушылар бейінді бөлімшелердің жұмысын ұйымдастырумен, пациенттерді диагностикалау, емдеу және медициналық оңалтудың заманауи тәсілдерімен танысты. Студенттер мамандардың жұмысын бақылап, клиникалық жағдайларды талқылауға қатысып, теориялық білімнің нақты медициналық тәжірибеде қалай қолданылатынын көрді.
Университеттік клиникалардағы емдеу-диагностикалық үдерісті ұйымдастыруға және реабилитациялық әрі спорттық медицина саласындағы мамандардың жұмысының ерекшеліктеріне де ерекше назар аударылды.
Тағылымдама соңында бағдарламаны сәтті аяқтаған қатысушыларға сертификаттар табысталды. Сертификаттарды Стратегиялық даму және халықаралық ынтымақтастық жөніндегі проректор Аян Мысаев табыстады.
Халықаралық академиялық ұтқырлық бағдарламалары болашақ дәрігерлер арасында кәсіби тәжірибе алмасуға, медициналық көмекті ұйымдастырудың түрлі үлгілерімен танысуға және Қазақстан мен Қытайдың медициналық университеттері арасындағы білім беру және ғылыми ынтымақтастықты одан әрі дамытуға мүмкіндік береді.
